Astana men Shymkentte qaldyqtardy kádege jaratatyn zaýyttar salynady

ASTANA. KAZINFORM - Qazaqstan Respýblıkasy Ekologııa jáne tabıǵı resýrstar mınıstrligi, «Shaanxi Construction Engineering Kazakhstan Co., Ltd» JShS jáne «East Hope» JShS qaldyqtardy energııaǵa aınaldyra otyryp kádege jaratý zaýyttaryn salý boıynsha Astana jáne Shymkent qalalarynda ınvestıtsııalyq kelisimderge qol qoıdy.

QR Ekologııa jáne tabıǵı resýrstar mınıstrligi baspasóz qyzmetniń habarlaýynsha, Astana qalasynda táýligine 1 500 tonna turmystyq qaldyqty (jylyna shamamen 550 myń tonna) óńdeý qýattylyǵyna ıe zaýyt salý josparlanyp otyr. Jobanyń jalpy ınvestıtsııa kólemi — 94,4 mlrd teńge (≈180 mln AQSh dollary).

Shymkent qalasynda táýligine 1 000 tonna (jylyna shamamen 360 myń tonna) qaldyq óńdeıtin kásiporyn salynady. Investıtsııa kólemi — 53,9 mlrd teńge (≈100 mln AQSh dollary).

Jobalardy iske asyrý barysynda 550-den astam ýaqytsha jumys orny, sondaı-aq shamamen 200 turaqty jumys orny ashylady.

Atalǵan nysandardyń iske qosylýy polıgondarǵa shyǵarylatyn qaldyqtardyń kólemin aıtarlyqtaı azaıtýǵa jáne ekologııalyq taza elektr energııasyn óndirýge múmkindik beredi.

Aıta ketý kerek, buǵan deıin Almaty qalasy boıynsha qytaılyq ınvestordyń qatysýymen uqsas ınvestıtsııalyq kelisim jasalǵan bolatyn.

Osyǵan deıin elde ekologııalyq taza metallýrgııany damytý isi jolǵa qoıylatyny týraly jazdyq.