Qazaqstanda qaldyqtardy basqarý júıesiniń jańa modeli usynyldy
ASTANA. KAZINFORM – Memleket basshysynyń bastamasymen «Taza Qazaqstan» jalpyulttyq baǵdarlamasyn iske asyrý sheńberinde Ekologııa jáne tabıǵı resýrstar mınıstrligi qaldyqtardy basqarý salasyndaǵy júıeli reformany jalǵastyryp jatyr.
Negizgi kezeń 2025 jylǵy 31 jeltoqsanda Qazaqstan Úkimetiniń qaýlysymen qaldyqtardyń barlyq túrin basqarýdyń 2026-2030 jyldarǵa arnalǵan tujyrymdamasyn bekitý boldy.
Qujat alǵash ret salany damytýdyń tutas modelin qalyptastyrady jáne eldegi qaldyqtardy basqarý júıesiniń úılestirýshisi bolatyn «Jasyl damý» AQ Transformatsııalaý bazasynda qaldyqtardy basqarýdyń ulttyq ortalyǵyn qurýdy kózdeıdi.
2026-2030 jyldarǵa arnalǵan qaldyqtardyń barlyq túrin (radıoaktıvtiden basqa) basqarý tujyrymdamasyn iske asyrý máselesi jónindegi strategııalyq sessııaǵa qatysýshylar Qazaqstan Respýblıkasy Parlamentiniń eki palatasynyń depýtattary, Energetıka, Ónerkásip jáne qurylys, Sý resýrstary jáne ırregatsııalar, Densaýlyq saqtaý, Aýyl sharýashylyǵy mınıstrlikteriniń ókilderi, saraptamalyq qoǵamdastyq, Mınıstrliktiń Qoǵamdyq keńesi ókilderi boldy.
Strategııalyq sessııa aıasynda «Jasyl damý» AQ depýtattarǵa salanyń ashyqtyǵy men tıimdiligin arttyrýǵa baǵyttalǵan qaldyqtardy basqarý júıesiniń jańartylǵan modelin usyndy. Ol qaldyqtardyń paıda bolýy men tasymaldanýyn esepke alý men baqylaýdy tsıfrlandyrýdy, aýyldyq eldi mekenderde QTQ shyǵarý qyzmetterin keńeıtýdi, jınaqtalǵan ónerkásiptik qaldyqtar máselesin sheshýdi jáne qaýipti qaldyqtardy baqylaýdy kúsheıtýdi kózdeıdi. Sondaı-aq memlekettik retteýdi jetildirý, qaıtalama resýrstar naryǵyn qalyptastyrý jáne qaıta óńdeý ınfraqurylymyn damytý josparlanyp otyr.
Depýtattardyń qyzyǵýshylyǵyn ónerkásiptik qaldyqtar, tarıhı jerleý oryndary, medıtsınalyq qaldyqtar, qurylys qaldyqtary – qaldyqtar paıda bolǵannan, jınalǵannan, tasymaldaýdan, suryptaýdan, qaıta óńdeýden jáne kádege jaratýdan keıingi qaldyqtardyń búkil tsıkli máseleleri týdyrdy. Suryptaý boıynsha jekelegen óndiristeri joq aýyldyq eldi mekenderdegi qaldyqtardy basqarý, olardy tasymaldaý máseleleri talqylaýdyń negizgi taqyryptarynyń birine aınaldy.
Sessııaǵa qatysýshylar jańa júıeni iske asyrý úshin zańnamalyq bazany jetildirý qajet bolatynyn, sondyqtan Qazaqstan Respýblıkasy Parlamentiniń qoldaýy mańyzdy ról atqaratynyn atap ótti.
Usynylǵan sheshimderdi iske asyrý qaldyqtardy basqarýdyń zamanaýı jáne ashyq júıesin qurýǵa, qaıta óńdeý deńgeıin arttyrýǵa jáne ekologııalyq táýekelderdi azaıtýǵa múmkindik beredi.
Talqylaý sońynda depýtattar barlyq múddeli taraptar men sarapshylar qaýymdastyǵyn tarta otyryp, máselelerdiń árbir blogyn jeke talqylaý qajettigin atap ótti.
Buǵan deıin Oral men Aqsaıda qatty turmystyq qaldyqtar polıgony nelikten salynbaı otyrǵanyn jazǵan bolatynbyz.