Qazaqstanda qalamańy elektr poıyzdaryndaǵy qaýipsizdik sharalary kúsheıtiledi
«Sońǵy ýaqytta qalamańy poıyzdarynda jol ústinde quqyqtyq tártipti buzý derekteri kórinis taba bastady. QR Іshki ister mınıstriniń buıryǵyna sáıkes qalamańy poıyzdarynda jol ústindegi quqyqtyq tártipti qamtamasyz etý jáne múlikti saqtaý maqsatynda kóliktegi polıtsııa kezekshilikteri jolǵa shyǵýda», - delingen habarlamada.
Degenmen, kompanııa aqparatyna qaraǵanda, Kóliktegi ІІD qyzmetkerleri barlyq qalamańy poıyzdaryndaǵy qaýipsizdikti 100 paıyz qamamasyz etýge jetispeıdi.
Sondyqtan da «Qazaqstan temir joly» UK» AQ prezıdenti Asqar Mamınniń tapsyrmasymen «Qalamańy tasymaly» AQ Kóliktegi ІІD jáne «Áskerılendirilgen temir jol kúzeti» AQ basshylarynyń qatysýymen jıyn ótkizdi. Onda atalǵan eki uıymnyń kúsh-jigerin joldaǵy qaýipsizdikke jumyldyrý týraly sheshim qabyldandy.
«Qalamańy tasymaly» AQ-nyń poıyz brıgadasynyń jumysshylary jolaýshylarmen tosyn oqıǵa oryn alǵan sátte mashınıstpen radıobaılanysqa shyǵa alady jáne poıyz baǵyt alǵan stansadaǵy jelilik polıtsııa bólimshesine der ýaqytynda aqparat bere alady.
Kóliktegi ІІD pen «Qalamańy tasymaly» AQ qoǵamdyq qaýipsizdikti jáne qalamańy tasymaly salasyndaǵy quqyqtyq tártipti qamtamasyz etýge baǵyttalǵan birlesken is-sharalar josparyn ázirlep, bekitti.
