Qazaqstanda qalalyqtardyń úlesi 55,2 paıyzǵa jetti
ASTANA. QazAqparat - 2014 jylǵy 1 qarashadaǵy jaǵdaı boıynsha halyq sany 17 377,8 myń adamdy qurady. Bul týraly QR Ulttyq ekonomıka mınıstrligi Statıstıka komıtetinen habarlady.
Jalpy halyq sanynyń ishinde 9 597,1 myńy nemese 55,2% qalalyqtar bolsa, qalǵan 7 780,7 myńy (44,8%) aýyl turǵyndary. Bıylǵy qańtar-qazanda halyq sany 217 myń adamǵa nemese 1,3 paıyzǵa ósti.
AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2014jylǵy qańtar-qazanda dúnıege kelgender sany 338,2 (331,7) myń adamdy qurap, 2013 jylǵy qańtar-qazanǵa qaraǵanda 6,5 myń adamǵa nemese 2% artty. Týýdyń jalpy koeffıtsıenti 1000 adamǵa 23,48 (23,37) týǵandardy qurady.
Qarastyrylyp otyrǵan kezeńde qaıtys bolǵandar sany 110,6 (115,8) myń adamdy qurap, 2013 jylǵy qańtar-qazanǵa qaraǵanda 5,2 myń adamǵa nemese 4,5% azaıdy. Ólim-jitimniń jalpy koeffıtsıenti 1000 adamǵa 7,68 (8,16) qaıtys bolǵandardy qurady.
2014j. qańtar-qazanda respýblıka halqynyń tabıǵı ósimi 2013 jylǵy qańtar-qazanmen salystyrǵanda 11,7 myń adamǵa nemese 5,4% artyp, 227,6 (215,9) myń adamdy qurady. Tabıǵı ósimniń jalpy koeffıtsıenti 1000 adamǵa shaqqanda 15,80 (15,21) adamnan.
