Qazaqstanda qalada turatyn halyq sany 10,89 mıllıonǵa jetti
NUR-SULTAN. QazAqparat - Qala turǵyndarynyń sany bir jylda 1,8%-ǵa, aýyl halqy - 0,5%-ǵa artqan, dep habarlaıdy QazAqparat Finprom.kz saıtyna silteme jasap.
Jalpy alǵanda qazaqstandyqtardyń sany bir jyl burynǵydan 1,3%-ǵa kóp. Onyń ishindegi qala turǵyndarynyń úlesi - 58,5%.
Bıylǵy 1 qańtardaǵy kórsetkish boıynsha elde 18,63 mln qazaqstandyq turady, bul ótken jyldyń basyndaǵy sanmen salystyrǵanda 1,3% nemese 236,6 myń adamǵa kóp.
Bir qyzyǵy, bul jaǵdaıda tabıǵı ósim 269,6 myń adamdy quraǵan, biraq Qazaqstan kóshi-qon nátıjesinde 33 myń turǵyndy «joǵaltty».
Turǵyndar sanynyń eń kóp ósimi Nur-Sultan (+ 5,3%) jáne Almatyda (+ 3,3%) baıqalǵan. Halyq sanynyń tómendeýi alty aımaqta, onyń ishinde Soltústik Qazaqstan (−1%), Shyǵys Qazaqstan (−0,6%), Qostanaı (−0,5%), Aqmola (−0,3%), Pavlodar (−0, 2%) jáne Qaraǵandy (−0,1%) oblystarynda tirkelgen.
Qala halqynyń sany aýyl turǵyndaryna qaraǵanda tez ósedi dep kútilýde. Jyldyń basynda Qazaqstan qalalarynda 10,89 mıllıon adam turǵan, bul ótken jyldyń basymen salystyrǵanda 1,8%-ǵa artyq.
Qala halqynyń úlesi - 58,5%, bir jyl buryn 58,2% bolǵan.
Qala turǵyndarynyń sanynyń tómendeýi tek úsh oblysta, atap aıtsaq Almaty (−1,3%), Pavlodar (-0,2%) jáne Aqmola (−0,05%) oblystarynda baıqaldy.
Aýyl halqy 0,5 paıyzǵa artyp, sany 7,74 mıllıon adamǵa jetti. Bul - Qazaqstan Respýblıkasy halqynyń 41,5 paıyzy.
Aýyl turǵyndary sanynyń qysqarýy eldiń segiz aımaǵynda baıqaldy.
