Qazaqstanda kalıan shegýge tyıymdy alyp tastaý usynyldy
ASTANA. QazAqparat - Sarapshy mamandar qoǵamdyq oryndarda kalıan (qorqar) shegýdiń normatıvtik máselelerin talqylady, dep habarlaıdy QazAqparat tilshisi.
«HoReCa» qaýymdastyǵynyń prezıdenti Igor Kopaılov qorqor apparatyn tazalaýda sanıtarlyq-epıdemıologııalyq erejelerdiń saqtalmaýy saldarynan ony shegýge tyıym salynǵanyn eske saldy. Sonymen birge, ol birneshe mekemelerge saraptama júrgizý arqyly dál osyndaı kózqarastyń qalyptasqanyn basa aıtty.
«Qoǵamdyq tamaqtaný oryndarynda qorqor shegýge ruqsat berý úlken máselege aınaldy. Ózderińiz biletindeı, QR bas sanıtar dárigeri qoǵamdyq oryndarda qorqor shegýge tyıym saldy. Bizdiń pikirimizshe, onyń sheshimi Astananyń 12 mekemesin tekserý negizinde shyǵaryldy jáne bul tyıymnyń eshqandaı zańdyq kúshi joq», - dedi Kopaılov.
Qaýymdastyq basshysy atalǵan normany qaıta qaraýdy usyndy.
«Qazaqstanda myńdaǵan demalý oryndary bar jáne astanalyq mekemelerdi tekserý nátıjesinde qabyldanǵan bul sheshim ádildikke jatpaıdy. Tutas salaǵa emes, naqty bir mekemege shekteý qoıýyna bolady. Qorqor temekileriniń kópshiliginde nıkotın bar, biraq olar temekideı orasan zııan keltirmeıdi. Bul qyzmetti zańdyq turǵyda retteý qajet», - dedi ol.
Kopaılov qorqor usynylatyn mekemelerge sanıtarlyq-epıdemıologııalyq tekserý júrgizýde QR Densaýlyq saqtaý mınıstrligimen birlese jumys isteýge daıyn ekenderin jetkizdi.
«Jasyratyny joq, kóptegen mekemeler kalıandy tazalaýda sanıtarlyq normalardy saqtaı bermeıdi. Sondyqtan Densaýlyq saqtaý mınıstrligimen birlesip, tekserý jumystaryn júrgizýge daıynbyz», - dep usynys bildirdi I.Kopaılov.
Eske sala ketsek, 2013 jyldyń 14 naýryzynda Qazaqstannyń Densaýlyq saqtaý mınıstrligi qoǵamdyq oryndarda, sonyń ishinde klýbtarda, meıramhanalarda, kınoteatrlar men kópshilik demalatyn jabyq mekemelerde qorqor shegýge tyıym salǵan edi.
