Qazaqstanda qaǵaz qaldyqtaryn eksporttaýǵa tyıym salý usynyldy
ASTANA. QazAqparat - Vedmostvoaralyq komıssııa otyrysynda Qazaqstan aýmaǵynan qaǵaz qaldyqtaryn eksporttaýǵa tyıym salý jóninde usynys qoldaý tapty, dep habarlaıdy QazAqparat QR IDM baspasóz qyzmetine silteme jasap.
«QR Investıtsııa jáne damý mınıstrligi tsellıýloza-qaǵaz kásipornynyń ókilderimen turaqty túrde kezdesýler ótkizip turady. Premer-mınıstrdiń orynbasary Erbolat Dosaevtyń tóraǵalyǵymen salany yntalandyrýǵa arnalǵan vedomstvoaralyq komıssııanyń otyrysy ótti. Otyrysqa múddeli memlekettik organdardyń, «Atameken» UKP, Qazaqstan qaptaýshylar qaýymdastyǵynyń jáne tsellıýloza-qaǵaz ónerkásibiniń ókilderi qatysty», - delingen habarlamada.
Vedomstvoaralyq komıssııa otyrysynda atalyp ótkendeı, Qazaqstan «ormandy elge» jatpaıdy jáne eldegi karton-qaǵaz ónerkásibi búgingi kúni shıkizat retinde 100% karton jáne qaldyq qaǵazdardy paıdalanady. Osyǵan baılanysty qazaqstandyq naryqta tapshylyqty boldyrmaý úshin qaldyq qaǵazdardy elimizdiń aýmaǵynan shyǵarýǵa shekteý qoıý máselesi týyndap otyr.
2016 jyly 14 qazandaǵy QR Investıtsııalar jáne damý mınıstriniń №630 buıryǵyna sáıkes qaıta óńdelgen qaǵazdy, kartondy, qaldyqtardy eksporttaý úshin 6 aıǵa tyıym salyndy. ıAǵnı, óndiris kólemi 2015 jylǵa qaraǵanda 1,5 ese artyp, 141,2 myń tonnany qurady.
Osy tyıymnyń nátıjesinde 2017 jyly qaǵaz ónimderin óndirýdiń mýltıplıkatıvti áseri zor boldy. Óndiris kólemi 2015 jylmen salystyrǵanda 44,6 myń tonnaǵa artyp, 136,1 myń tonnany qurady. Jalpy quny 53,4 mlrd teńge bolǵan.
2016 jyly óndiristiń kólemi 2015 jylmen salystyrǵanda 33,1 mlrd teńgeden 47,2 mlrd teńgege deıin (33,5% -ǵa ósti) ósti, bul 55% -ǵa tyıym salynǵan kezde salanyń salyq túsimderin arttyrýǵa múmkindik berdi jáne 100-den astam adamǵa jańa jumys ornyn qurýǵa múmkindik berdi.
Vedomstvoaralyq komıssııa otyrysynyń qorytyndysy boıynsha Qazaqstan Respýblıkasynyń aýmaǵynan qaldyqtardy shyǵarýǵa tyıym salýdy engizý týraly sheshim qabyldandy.
