Qazaqstanda qaǵaz anyqtama qashan kúshin joıady

ASTANA. KAZINFORM – Búginde memlekettik qyzmettiń deni onlaın nemese elektrondy túrde usynylady. Degenmen keıbir qaǵaz anyqtama kúshin tolyq joıǵan joq. Osy oraıda Eńbek jáne halyqty áleýmettik qorǵaý vıtse-mınıstri Oljas Anafın túsinik berdi.

- Anyqtama berý qyzmetiniń basym bóligi memlekettik qyzmet tiziliminen shyǵarylyp, paıdalanýshy suranysyna qaraı eGov, eGov‑mobile, ekinshi deńgeıli bankterdiń mobıldi qosymshalary, basqa da túrli platforma arqyly der kezinde usynylyp jatyr. Eńbekke ornalastyrý protsesin ashyq ári yńǵaıly etý maqsatynda eńbek mıgranttary men kámeletke tolmaǵan azamattarmen elektrondyq eńbek jáne ujymdyq shart jasasý múmkindikteri engizildi, - dedi Oljas Anafın ortalyq kommýnıkatsııalar qyzmeti alańynda ótken baspasóz máslıhatynda.

Sonymen qatar mınıstrdiń orynbasary HR Enbek portalynyń múmkindigi týraly aıtty.

- Portalda qyzmetkerdiń jeke kabınetinde eńbekke jaramsyzdyq paraqshasy, sol jerde kásipodaqqa arnalǵan avtomattandyrylǵan jumys orny fýnktsıonaly, shtattyq kesteni elektrondy túrde júrgizý, sondaı‑aq tótenshe jaǵdaı týraly habarlaý múmkindigi qarastyrylǵan, - dep túsindirdi spıker.

Áleýmettik qyzmet demekshi, endi azamattardyń múgedektigin jasandy ıntellektiniń kómegimen anyqtap, sol sııaqty ataýly áleýmettik kómekti taǵaıyndaýda jasandy ıntellekti qoldanylmaq.