Qazaqstanda kádege jaratý tólemderin jınaıtyn jeke memlekettik operator qurylady
«Kádege jaratý tólemderine qatysty Memleket basshysy bergen tapsyrmalaryn oryndaý úshin kelesideı jumystar júzege asyrylady. «Operator ROP» JShS QR Ekologııa kodeksiniń 387-babyna sáıkes 2015 jylǵy 30 jeltoqsandaǵy QR Úkimetiniń qaýlysymen quryldy. 2016 jyldan búgingi kúnge deıingi kezeńde kádege jaratý tólemi túrinde túsken qarajat kólemi 691,9 mlrd teńgeni qurady. Alynǵan qarajat QR qoldanystaǵy zańnamasyna sáıkes jumsaldy. Atap aıtqanda, otandyq avtokólik óndirýshilerge 338,9 mlrd teńge mólsherinde kádege jaratý túrindegi buryn tólegen qarajattary qaıtaryldy. Ekologııalyq máselelerdi sheshýge 102 mlrd, salyqtarǵa 49,1 mlrd teńge jumsaldy. Búgingi tańda qarajat qaldyǵy ekinshi deńgeıli bankterde 220,6 mlrd teńgeni quraıdy», - dedi ol.
Serikqalı Brekeshev Memleket basshysynyń tapsyrmasyna oraı mınıstrlik bıznestiń, qoǵamnyń jáne múddeli memlekettik organdardyń qatysýymen birqatar máseleni pysyqtaıtyndyǵyn atap ótti.
«Birinshi - jeke memlekettik operator nemese Ónerkásipti damytý qorynyń bazasynda operator qurý. Ekinshi – kádege jaratý koeffıtsıetterin qaıta qaraý. Úshinshi – kádege jaratý alymy esebinen otandyq kólik quraldary men aýyl sharýashylyǵy tehnıkalaryn satyp alýshylarǵa vaýcherler berý», - dedi mınıstr.
