Qazaqstanda izdeýde júrgen uıymdasqan qylmystyq toptyń múshesi Tashkentte ustaldy
TAShKENT. QazAqparat - Qazaqstanda izdeýde júrgen qylmystyq toptyń múshesi Tashkentte qolǵa tústi, dep habarlaıdy QazAqparat Tashkent qalalyq Іshki ister bas basqarmasynyń baspasóz qyzmetine silteme jasap.
«2017 jyldyń jeltoqsan aıynda Іshki ister bas basqarmasyna shetelde izdeýde júrgen tulǵanyń Tashkent qalasynyń aımaǵynda júrgendigi týraly shuǵyl aqparat kelip tústi. ıAkassaraı aýdanynyń Farhadskaıa kóshesinde júrgizilgen arnaıy shara barysynda ózin Qazaqstan Respýblıkasynyń azamaty Baıtasov Aıdyn Táńirbergenuly dep tanystyrǵan azamat anyqtalyp, tutqyndaldy. Alaıda tekserý jumystary barysynda onyń 1094 jyly týǵan, Moldahmetov Beıbit Kenjetaıuly ekendigi belgili boldy. Sondaı-aq onyń qylmystyq álemde «Bebet» degen laqap atpen belgili buryn birneshe ret sottalǵan, uıymdasqan qylmystyq toptyń múshesi ekendigi jáne Qazaqstanda QK 296 baby, 4 bóligi boıynsha (iri kólemde esirtki jáne júıkege áser etetin, sondaı-aq oǵan uqsas zattardy zańsyz daıyndaý, óńdeý, satyp alý, saýdalaý maqsatynsyz tasymaldaý) resmı túrde izdeýde júrgendigi anyqtaldy»,-der habarlady Tashkenttiń Іshki ister bas basqarmasy.
Sonymen qatar atalǵan vedomstvo ókilderiniń habarlaýynsha, qazirgi tańda ustalǵan azamatty Qazaqstanǵa ekstradıtsııalaý jóninde jumystar júrgizilýde.
