Qazaqstanda ıtelgi azaıyp barady
ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev ıtelgi sanynyń azaıýy máselesin kóterdi.
– Ǵalymdardyń baǵalaýynsha, sońǵy onjyldyqtarda Qazaqstandaǵy eń iri suńqar óte sırek kezdesetin túrge aınalǵan, al keıbir aımaqtarda túbegeıli joıylyp ketken. Bul qustyń Qazaqstandaǵy sanyn anyqtaýǵa qatysty keń aýqymdy zertteýlerdiń bolmaýy – memlekettiń tabıǵatty qorǵaý jáne qalpyna keltirý sharalary boıynsha ustanymyn qalyptastyrýǵa múmkindik bermeıdi, – dedi mınıstr búgingi Úkimet otyrysynda.
Osyǵan baılanysty, mınıstrlik ıtelginiń qazirgi sanyn zertteý jáne ony qorshaǵan ortaǵa jiberýdiń tıimdiligin baǵalaý úshin 2025-2027 jyldarǵa arnalǵan eki ǵylymı-tehnıkalyq baǵdarlama ázirlegen. Qazir Joǵary ǵylymı-tehnıkalyq komıssııanyń otyrysynda osy baǵdarlamalardyń qaralýy kútilýde.
– Suńqar popýlıatsııasyn tıimdi qalpyna keltirý úshin jek-dýadaq úlgisinde suńqar ósirý ortalyǵyn qurý qajet. Qazirgi ýaqytta biz bul máseleni halyqaralyq seriktestermen birlesip qarastyrýdamyz, – dedi Ekologııa mınıstri.