Qazaqstanda ІT qyzmetterge suranys 14 paıyzdan aspaı otyr - ІT-kompanııalar qaýymdastyǵynyń prezıdenti
yrkúıektiń 17-ci. QazAqparat /Qanat Mámetqazyuly/ - Qazaqstanda ІT qyzmetterge suranys 14 paıyzdan aspaı otyr.
Búgin elordada ótip jatqan Qazaqstan ІT-kompanııalarynyń ІІ-sezi barysynda elimizdegi ІT-kompanııalar qaýymdastyǵynyń prezıdenti Nurlan Isın osylaı málim etti.
Qaýymdastyq basshysynyń aıtýynsha, elimizde aqparattyq tehnologııalar máselesin sheshý úshin birqatar sharalar atqarý qajet etiledi. «Atap aıtqanda, jańa aqparattyq tehnologııalar salasyna memlekettik qarjylandyrý jetkiliksiz. Ekinshiden, elimizdiń ІT-naryǵy órkenıetti bolýy shart. Sonymen birge elimizde ІT qyzmetteriniń suranysy sonshalyqty máz emes. Mysaly, damyǵan memleketterde bul salanyń suranys kórsetkishi 50-paıyzdan assa, qazaqstandyq suranys 14-paıyzdan kóterilmeı otyr», dedi N. Isın.
Onyń aıtýynsha, elimizde ІT salasyndaǵy statıstıka da mardymsyz. Keıbir kompanııalar tirkelgenimen olardyń qyzmeti joqtyń qasy. «Elimizdiń ІT-kompanııalary salany damytýǵa arnalǵan barlyq bastamalardy qoldaıdy. Jalpy, aldaǵy ýaqytta qazaqstandyq qamtýdy arttyrýǵa baılanysty júrgizilip jatqan memlekettik saıasat sheńberinde qazaqstandyq ІT-kompanııalar memlekettik damý tapsyrystaryna jaýap berip qana qoımaı, álemdik ІT-ındýstrııasyndaǵy eńbek bólinisinde óziniń ornyn tabady dep senemiz», dedi N. Isın.
