Qazaqstanda isterdiń 95 paıyzy boıynsha sońǵy sheshim jergilikti sottarmen qabyldanady - B.Beknazarov
Keshe «KTK» telearnasynda ótken «Halyq qyzmetshileri» baǵdarlamasynda suhbat bergen QR Joǵarǵy Sot tóraǵasy Bektas Beknazarov osylaı deıdi.
«Biz sot júıesin jetildirý boıynsha naqty jumystar júrgizdik. Bizdiń josparlanǵan barlyq boljamdarymyz tolyqtaı alǵanda Memleket basshysy tarabynan qoldaý tapty jáne 2012 jyldyń 1 shildesinen bastap qazaqstandy sot ádildigi sot qurylymynyń jetildirilgen formasyna kóshti. Zańdy kúshine engen barlyq sot aktilerin Joǵarǵy Sot qaraıtyn buǵan deıingi amaldar jáne myńdaǵan azamattardyń Joǵarǵy Sotqa júginýge týra kelýi endigi ýaqytta tarıhta qaldy», - dedi ol.
B.Beknazarovtyń atap ótýinshe, qazirgi ýaqytta azamattyq ister qaıta qaralý úshin birinshi ınstantsııa sotyna jiberilmeıtin boldy. Birinshi ınstantsııa sotynyń sheshimine narazylyq týyndaǵan jaǵdaıda sońǵy sheshim oblystyq sottyń apellıatsııalyq alqasymen qabyldanady.
