Qazaqstanda ıspandyq JOO ashylýy múmkin

ASTANA. QazAqparat - Qazaqstanda ıspandyq joǵary oqý oryndary kampýstaryn ashý múmkindikteri talqylandy, dep habarlaıdy QazAqparat «Halyqaralyq baǵdarlamalar ortalyǵy» AQ baspasóz qyzmetine silteme jasap. 

Kompanııa prezıdenti Janbolat Meldeshov «Kazakhstan-Europe Cooperation» (KES Edutrade, Ispanııa) kompanııasynyń quryltaıshysy jáne bas dırektory Alehandro Pastrana Moleromen kezdesti.

Kezdesý barysynda ýnıversıtettik bilim berý, stýdenttik mobıldilik jáne qos dıplom baǵdarlamalary boıynsha qarym-qatynas jasaý múmkindikteri talqylandy.

Sonymen qatar, taraptar Qazaqstanda ıspandyq joǵary oqý oryndary kampýstaryn ashý múmkindikteri týraly sóz etti. Pastrana Molero myrza «sapaly ınfraqurylym men zaman talabyna saı bilim jaqsy nátıje berýi múmkin» ekenin aıtty.

Aıta keterligi, «Kazakhstan-Europe Cooperation» (KES Edutrade, Ispanııa) kompanııasy memlekettik-jekeshelik seriktestik bıznes-formaty boıynsha jumys isteıdi. KES Edutrade kompanııasy bilim salasynda da qyzmet kórsetedi.