Qazaqstanda ıslamdyq qarjylandyrýdy damytýdyń perspektıvasy zor - Ulttyq bank
ASTANA. 21 maýsym. QazAqparat - Qazaqstanda ıslamdyq qarjylandyrýdy damytýdyń perspektıvasy zor.
Bul týraly búgin Senattyń jalpy otyrysynda depýtattar suraqtaryna jaýap bergen Ulttyq bank tóraǵasy Grıgorıı Marchenko málim etti.
«Óıtkeni, biz osy baǵytta Islam Damý bankimen birlesip, bul baǵyttaǵy zańdy ázirledik. Zań 2008 jyly ǵana qabyldandy jáne biz óńirde dál osyndaı zań qabyldaǵan jalǵyz memleketpiz. Árıne, bul baǵytta másele barshylyq. Bir ǵana ıslam banki quryldy. Degenmen, jalpylama alsaq bizde dál osy baǵytty damytýǵa qatysty áleýet jeterlik», - dedi UB tóraǵasy.
Onyń aıtýynsha, Qazaqstan ıslamdyq qarjylandyrý máselesi boıynsha óziniń óńirdegi kórshilerinen birneshe jylǵa uzap ketti. Sondyqtan da, elimizde osy júıeniń áleýeti dershaǵynda paıdalanǵany abzal.
