Qazaqstanda ıslamdy tereńirek tanyǵysy keletinder úshin e-islam ınternet-portaly ashylady
ASTANA. 12 jeltoqsan. QazAqparat - Qazaqstanda 2013 jyldyń basynda e-islam ınternet-portaly ashylady. Bul týraly QR Din isteri jónindegi agenttik tóraǵasynyń orynbasary Ǵalym Shoıkın málimdedi.
«2013 jyldyń І maýsymynyń sońyna qaraı ınternet-portaldy qoldanysqa engizbekshimiz», - dedi ol búgin Astanada ótken «Internet arqyly halyqtyń dinı tanymyn arttyrý» atty dóńgelek ústelde. Onyń aıtýynsha, portal tek dinı mazmunda emes, sonymen qatar rýhanı-aǵartýshylyq baǵytta bolady. Portal negizinen jastar qaýymyna baǵyttalady.
«Búgingi kúnniń talaby áıelder qaýymy bolsyn, jastar bolsyn ózine qajetti aqparatty bir ǵana ortaq portaldan alyp, sol arqyly dinı saýatyn tereńdetýge kúsh salý bolyp otyr. ıAǵnı portalda aǵartýshylyq materıaldar kóptep qoıylady, sol arqyly áli de izdenis ústinde júrgen adamdarǵa baǵyt-baǵdar beriledi», - dedi Ǵ. Shoıkın.
Onyń aıtýynsha, ázirge saıt tek eki tilde, qazaqsha jáne oryssha júrgiziledi dep josparlanyp otyr. degenmen aldaǵy ýaqytta e-islam-dy aǵylshyn jáne frantsýz tilderinde de júrgizý múmkindigi joq emes kórinedi.
