Qazaqstanda islam.kz portaly iske qosyldy
ASTANA. QazAqparat - Astana qalasyndaǵy Ulttyq akademııalyq kitaphanasynda «Islam.kz» ulttyq, rýhanı-aǵartý portalynyń ashylý rásimi ótti.
Bul týraly www.muslim.kz caıty habarlady.
Іs-sharaǵa QR Din isteri agenttiginiń tóraǵasy M.Ázilhanov, Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly, Mádenıetter men dinderdiń halyqaralyq ortalyǵynyń dırektory Aıdar Ábýov, tanymal ǵalym, fılologııa ǵylymdarynyń doktory, professor Ádil Ahmetov, t.b. mártebeli meımandar qatysyp, jańa portalǵa sát sapar tiledi.
Ulttyq hám dinı, rýhanı-aǵartýshylyq maqsatta shyǵarmashylyq josparyn baǵyttap otyrǵan atalmysh portaldyń mazmuny da erekshe. Atap aıtqanda, portaldyń "Atatanym", "Atamura" atty aıdarlarynda halqymyzdyń genetıkalyq bolmysynda bar, kóne ǵuryptyq sana-túsinigindegi adamı hám ımanı is-áreketterdi nasıhattaıtyn ári máni tereń ulttyq muralardy, etnografııalyq qazynalarymyzdy tanytatyn dúnıeler usynylady.
Saıt oqyrmandary «Suraq-jaýap» aıdary boıynsha árkim ózin tolǵandyryp júrgen túrli dinı saýaldaryna der kezinde jaýap alyp otyrady. «Sóz patshasy» aıdary arqyly burynǵy jáne búgingi aqyndarymyzdyń súbeli jyrlary jarııalanyp turady. Al, «Iman álippesi» buryshy jańadan qulshylyq-ǵıbadat isterine bet buryp, ıslam qundylyqtarymen sýsyndaýǵa nıet etken jandarǵa arnalyp otyr. Qoǵamda dinı dúrdarazdyq týǵyzyp júrgen ózekti máselelerge ǵylymı jáne naqty jaýap beretin «Kókeıkesti» bóliminiń de búginde ózektiligi erekshe.
Portaldyń taǵy bir basshylyqqa alyp otyrǵan taqyryby - otbasy tárbıesi, ıaǵnı qoǵamdaǵy áke-shesheniń orny, ata-ananyń bala tárbıesindegi mindet-boryshy, otbasy ınstıtýtyndaǵy qazaq qoǵamynyń qazirgi tańda jiberip otyrǵan qatelikterin jáne onyń pedogogıkalyq, psıhologııalyq turǵydan sheshý joldaryn: naqty ǵylymı negizderge súıene otyryp, dinimiz kórsetken izgi amaldardy nasıhattaý josparlanǵan.
Saıtta jergilikti jáne ǵalamdyq jańalyqtar da únemi berilip otyrady. Sondaı-aq, keıbir qoǵamdyq kókeıtesti taqyryptarǵa da taldaý-saraptaý júrgizilip, sheshimdi túıin, qorytyndy jasaý josparlanýda.
"Islam jáne Ǵylym" atty aıdarda din men ǵylymnyń ózara sabaqtastyǵyn dáleldi de dáıekti derektermen ushtastyratyn maqalalar jarııalanatyn bolady. Tyńdaýǵa jáne kórýge arnalǵan alýan túrli medıa ónimderdi de portaldyń nazarynan tys qalmaǵan.
Saıttyń elektrondy kitaphanasyna júzdegen qundy dinı kitaptar engizý josparlanýda.
«Bas redaktor baǵany» atty arnaıy bólimde portal redaktory Qaırat Joldybaıulynyń tanymdyq maqalalary men túrli máselelerge qatysty oı-tujyrymdary jarııalanyp, vıdeo suhbattary jaryq kórmek.
Saıt ákimshiliginiń aıtýynsha, munyń bári jastarymyzdyń dinı ekstremızm men lańkestikke qarsy ımmýnıtetin ornyqtyryp, qoǵamda durys dinı túsinik qalyptastyrýǵa óz yqpalyn tıgizedi dep kútilýde.
