Qazaqstanda ıslam dinin ustanatyndardyń úlesi 70,2 paıyzdy qurap otyr - Á. Smaıylov
ASTANA. 12 qarasha. QazAqparat /Rýslan Ǵabbasov/ - Qazaqstanda ıslam dinin ustanatyndardyń úlesi 70,2 paıyzdy qurap otyr. Bul týraly búgin Astanada ótken baspasóz máslıhatynda QR Statıstıka agenttiginiń tóraǵasy Álıhan Smaıylov málim etti.
«Toltyrylǵan anketalardyń málimeti boıynsha Qazaqstandaǵy jalpy halyq sanynyń ishinde ıslam dinin ustanatyndardyń úlesi 11 mln. 237 myń adamdy nemese 70,2 paıyzdy quraıdy, sondaı-aq hrıstıandyqtar - 4 mln.190 myń. adam nemese 26,2 paıyzǵa jetip otyr. Al ıýdaızmde - 5,3 myń, býddızmde - 14,6 myń adam jáne basqa da dindegiler 30,1 myń adamdy quraıdy. Dinge senbeıtinderdiń qatarynda 450,5 myń adam nemese 2,8 paıyzy ózderin atap kórsetken»,- dedi agenttik basshysy.
