Qazaqstanda iskerlik belsendilik ındeksi tómendedi – Ulttyq bank

ALMATY.QazAqparat - Qazaqstanda iskerlik belsendilik ındeksi tómendedi. Bul týraly Ulttyq baktiń aqsha-kredıt saıasaty departamentiniń dırektory Jandos Shaımardanov aıtty, dep habarlaıdy QazAqparat tilshisi.

Júrgizilgen baǵalaý nátıjesi boıynsha Qazaqstanda iskerlik belsendilik ekinshi aı qatarynan tómendep keledi. 2021 jyldyń qańtar aıynda ındeks 48,4 (2020 jylǵy jeltoqsanda – 49,0) boldy.

«Indekstiń tómendeýi, kóbine,ónerkásiptegi kórsetkishtiń azaıýyna baılanysty boldy,bunda kórstekish tómendeý aımaǵyna ótip, 49,4-ti qurady (2020 jylǵy jeltoqsanda – 50,3 bolǵan).Qyzmet kórsetý sektorynda da ındekstiń 47,4-ke (2020 jylǵy jeltoqsanda – 48,0) deıin tómendeýi baıqalady.Al qurylystaǵy iskerlik belsendilik ósý aımaǵyna qaıta oralyp, 51,1 (2020 jylǵy jeltoqsanda – 49,5) qurady.

Qańtarda óńirler boıynsha kórsetkishter Qostanaı, Soltústik Qazaqstan oblystarynda jaqsardy. Indekstiń edáýir nasharlaýy Jambyl,Túrkistan oblystarynda baıqalady.

Naqty sektor kásiporyndary qańtarda bıznes júrgizýdiń qazirgi jaǵdaıyn jalpy teris baǵalady: oń jáne teris baǵalaý arasyndaǵy jaýaptar balansy (–)2,6 sheginde qaldy.Qazirgi jaǵdaıdyń nasharlaýy, kóbine, suranys pen salyq júktemesiniń áserinen boldy.

Kásiporyndardyń kelesi 6 aıǵa kútýleri anaǵurlym optımıstik kózqarasta: bolashaq jaǵdaı baǵalaýy 15,1 qurady.Nátıjesinde qańtarda bıznes-ahýal ındeksi 6,0 boldy.

Qańtarda saýalnamaǵa 456 kásiporyn qatysty: qurylys salasynda – 66, ónerkásip salasynda – 172, qyzmet kórsetý salasynda – 218.