Qazaqstanda iskerlik belsendilik ındeksi tómendedi – Ulttyq bank

NUR-SULTAN. QazAqparat – Qazaqstanda iskerlik belsendilik ındeksi tómendedi. Bul týraly Úkimet otyrysynda bıylǵy qańtar-shildedegi respýblıkalyq bıýdjetti oryndaý qorytyndylaryn talqylaý kezinde QR Ulttyq bank tóraǵasy Erbolat Dosaev málim etti, dep habarlaıdy QazAqparat tilshisi.

«Qazaqstanda iskerlik belsendilik ındeksi bıylǵy maýsym aıynda 46,8 tarmaqqa deıin qalpyna kelgennen keıin, engizilgen karantındik shekteýler aıasynda shildede 44,7 tarmaqqa deıin tómendedi. Bul qyzmet kórsetý salasyndaǵy belsendiliktiń 43,1-ge deıin

3,2 paıyzdyq tarmaqqa qysqarýyna baılanysty», - dedi UB basshysy.

Onyń sózine qaraǵanda, jedel derekterge sáıkes 2020 jylǵy birinshi jartyjyldyq qorytyndysy boıynsha Qazaqstannyń ishki jalpy ónimi (ІJÓ) Ulttyq banktiń boljamyna sáıkes 1,5 paıyzben salystyrǵanda jyldyq mánde 1,8 paıyzǵa qysqardy. Bul qyzmet kórsetý sektoryndaǵy, atap aıtqanda saýda men kólik sektoryndaǵy tereń quldyraýǵa baılanysty boldy.

«Osyǵan oraı, ınflıatsııalyq jaǵdaıdyń turaqtanýyn eskere otyryp, Ulttyq bank aǵymdaǵy jylǵy 20 shildede Qazaqstan ekonomıkasynyń ósýin qalpyna keltirýdi qoldaý úshin paıyzdyq dálizdi +/- 1,5 paıyzdyq tarmaqqa deıin tarylta otyryp, bazalyq stavkany 9 paıyzǵa deıin tómendetti», - dedi E. Dosaev.