Qazaqstanda iskerlik belsendilik ındeksi ósti

ALMATY. QazAqparat - QR Ulttyq bank qarjy-nesıe júıesi departamentiniń dırektory Jandos Shaımardanov naýryzda iskerlik belsendilik ındeksi óskenin aıtty, dep habarlaıdy QazAqparat tilshisi.

Baǵalaý nátıjeleri boıynsha iskerlik belsendilik ındeksi naýryzda oń aımaqqa ótip, 50,6 boldy (bıylǵy aqpanda – 49,0). Kórsetkish 2020 jyldyń basynan beri alǵash ret shekti mánnen asyp tústi.

Qyzmet kórsetý salasynda aqpanda iskerlik belsendilik ındeksi 49,2 bolsa, naýryzda 51,2 kóterilgen.

Qurylys salasynda aqpanda 47,4 -ten 46,5-ke deıin azaıǵan.

«Aımaqtar turǵysynan alyp qaraǵanda, naýryz aıynda iskerlik belsendilik 10 óńirde jaqsarǵanyn baıqaýǵa bolady, 7 oblysta nasharlady. Іskerlik belsendiliktiń eń joǵary deńgeıi Soltústik Qazaqstan (60,9) men Qostanaı (56,9) oblystarynda, eń tómengisi – Túrkistan oblysynda (42,3) «,- deıdi Jandos Shaımardanov.

Aldaǵy 6 aıda kórsetiletin qyzmet ındeksi 18,6 bolýy yqtımal. Bıznes klımat ındeksi aqpanda -11,9 bolsa, naýryzda tómendegen - 9,9 quraǵan.

Saýalnamaǵa barlyǵy 459 kásiporyn: qurylys salasynan - 67, ónerkásip salasynan - 176, qyzmet salasynan - 216 kásiporyn qatysqan.