Qazaqstanda iskerlik belsendilik ındeksi 2 aı qatarynan ósip keledi – Dosaev
NUR-SULTAN. QazAqparat – Qazaqstanda iskerlik belsendilik ındeksi eki aı qatarynan ósip keledi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.
«Qazaqstanda iskerlik belsendilik ındeksi eki aı qatarynan ósý aımaǵynda saqtalýda. Bıylǵy jylǵy sáýirde ol qyzmet kórsetý jáne ónerkásip sektorynda qalpyna kelýdiń jalǵasýyna baılanysty 50,5 tarmaq boldy», - dedi UB tóraǵasy.
Onyń atap ótýinshe, sáýirde óndiristiń ósýi, suranys jáne qyzmet kórsetý salasynyń ozyq qalpyna kelýi aıasynda ekonomıkalyq belsendiliktiń jahandyq ındeksi (Global Somposite PMI) 11 jyldaǵy eń joǵary kórsetkish – 56,3 tarmaqqa jetti.
«Indekske eń kóp úles qosqan elder – AQSh, Ulybrıtanııa jáne Avstralııa. Japonııada ekonomıkalyq belsendiliktiń álsiz ósýi baıqaldy. Al Brazılııada jáne Úndistanda koronovırýspen aýrýlardyń ósýi sebebinen kórsetkishtiń tómendeýi tirkeldi», - dedi Erbolat Dosaev.
