Qazaqstanda ishki jalpy ónimdegi energııa syıymdylyǵyn 2015 jylǵa qaraı keminde 10 paıyzǵa tómendetý boljanýda

ASTANA. 3 shilde. QazAqparat - Qazaqstanda ishki jalpy ónimdegi energııa syıymdylyǵyn 2015 jylǵa qaraı keminde 10 jáne 2020 jylǵa qaraı 25 paıyzǵa tómendetý boljanýda. Bul «Energııa únemdeý jáne energııa tıimdilikti arttyrý týraly» Zańdy jáne 2011-2015 jyldarǵa arnalǵan energııa tıimdiligi boıynsha keshendi jospardy qabyldaýǵa baılanysty oryn alatyn bolady. Energııa únemdeý salasyndaǵy memlekettik saıasatty iske asyra otyryp, qazirgi kúni, 2,8 mlrd. teńgeni únemdeı aldyq.

Memlekettik energetıkalyq tizilim qalyptastyrylǵan, oǵan 2000-nan astam ónerkásiptik kásiporyn men 28000 memlekettik mekeme kirdi.

Negizgi 30 iri kásiporynǵa energııa aýdıtin júrgizý josparlaýda, 50 kásiporynda energııa menedjmenti júıesi engizilýde. Eldiń 200-den astam ónerkásiptik kásiporyndarynda jańǵyrtý júrýde jáne 300 mlrd. teńgeden astam ınvestıtsııa salý josparlanýda. Ónerkásiptik kásiporyndardaǵy osy is-sharalardan shamamen 3 mln. m.e.n. (munaı ekvıvalentidegi tonna) mólsherindegi energııa resýrstardy únemdeýden tıimdilik alý josparlanýda.

Memleket basshysynyń tapsyrmasyna sáıkes QR IJTM energııa únemdeý salasynda «Energııa tıimdiligi - 2020» baǵdarlamasyn ázirleýde. Sondaı-aq, «Energobalans - 2020» baǵdarlamasy da daıyndalýda.

2012-2015 jyldarǵa arnalǵan energııa tıimdiligi boıynsha keshendi jospar aıasynda 100-den astam otandyq energııa aýdıtorlary men energııa menedjmentteri daıyndaldy. 2012 jyly Astanada S.Seıfýllın atyndaǵy Qazaq agrotehnıkalyq ýnıversıtetinde «Energetıkalyq menedjment» atty jańa mamandyq ashyldy. Osy mamandyq boıynsha atalmysh ýnıversıtette 27 adam oqytylýda.