Qazaqstanda ishki naryqtyń suranysyn qamtamasyz etý úshin astyq jetkilikti bolady-A. Kúrishbaev

Búgin Premer-Mınıstrdiń birinshi orynbasary Ómirzaq Shókeevtiń tóraǵalyǵymen ótken selektorlyq keńeste Aýyl sharýashylyǵy mınıstri Aqylbek Kúrishbaev osylaı málimdedi.

Onyń aıtýynsha, aǵymdaǵy jylǵy shildeniń 1-gi jaǵdaı boıynsha respýblıkamyzda ótken jyldan qalǵan 7 mln. tonna astyq bar. Bul ótken jylǵy qordan eki ese kóp, byltyr osy kezeńde elimizde 3,5 mln. tonna astyqtyń qory bolǵan. «Elimizde 6,3 mln. tonna azyq-túliktik bıdaı bar. Elevatorlarda 5,6 mln. tonna astyq saqtalyp tur, onyń 3,6 mln. tonnnasy azyq-túlik korporatsııasynyń astyǵy. Eger biz bıyl tipti pessımıstik boljam boıynsha 15 mln. tonna astyq jınaıtyn bolsaq, onda tutastaı alǵanda marketıngtik jyldyń basynda saqtaýly turǵan qordy qosqanda elimizde 22 mln. tonna astyq bolady. Osylaısha biz sóz joq ishki suranysty qamtamasyz etetin bolamyz. Elimiz nannan tarshylyq kórmeıtin bolady», dedi A. Kúrishbaev. Mınıstr sonymen bir mezgilde, elimizde eksportqa shyǵaratyn astyqtyń mol qory bolatynyn atap kórsetti. Onyń aıtýynsha, sońǵy kezderde Qostanaı, Soltústik Qazaqstan oblystarynda jáne elimizdiń shyǵys óńirlerinde jaýyn-shashyn táýir túsken. Sondyqtan, qurǵaqshylyqtan zardap shekken eginniń jaǵdaıy jaqsaryp keledi.