Qazaqstanda ishki kóship-qonýshylardy tirkeý qaǵıdalary ózgerdi

Qazaqstan Respýblıkasy Úkimetiniń qaýlysy №757

2016 jylǵy 2 jeltoqsan Astana, Úkimet Úıi

«Іshki kóship-qonýshylardy tirkeý qaǵıdalaryn bekitý jáne Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy №1427 qaýlysyna ózgerister men tolyqtyrý engizý týraly

Qazaqstan Respýblıkasynyń Úkimeti qaýly etedi:

1. «Іshki kóship-qonýshylardy tirkeý qaǵıdalaryn bekitý jáne Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy №1427 qaýlysyna (Qazaqstan Respýblıkasynyń PÚAJ-y, 2012 j., №5, 93-qujat) mynadaı ózgerister men tolyqtyrý engizilsin:

kórsetilgen qaýlymen bekitilgen Іshki kóship-qonýshylardy tirkeý qaǵıdalarynda:

2-tarmaqta:

3) tarmaqsha mynadaı redaktsııada jazylsyn:

«3) azamattardy tirkeý kitaby - azamattardyń turǵylyqty jeri boıynsha tirkelýin nemese tirkeýden shyǵarylýyn rastaıtyn qujat. Azamattardy tirkeý kitabyn resimdeý jáne berý tártibin Qazaqstan Respýblıkasynyń Іshki ister mınıstrligi belgileıdi;»;

mynadaı mazmundaǵy 5) tarmaqshamen tolyqtyrylsyn:

«5) mekenjaı anyqtamasy - jeke tulǵanyń turǵylyqty jeri boıynsha tirkelýin nemese turǵylyqty jeri boıynsha tirkeýden shyǵarylýyn rastaıtyn qujat.»;

3 jáne 4-tarmaqtar mynadaı redaktsııada jazylsyn:

«3. Іshki kóship-qonýshylardy turǵylyqty jeri ne ýaqytsha turatyn jeri boıynsha tirkeýdi ýákiletti organnyń aýmaqtyq bólimsheleri:

Qazaqstan Respýblıkasynyń azamattaryn - jeke basyn kýálandyratyn qujattar boıynsha Memlekettik korporatsııa arqyly;

halyqtyń kóshi-qony salasyndaǵy zańnamaǵa sáıkes Qazaqstan Respýblıkasynda turaqty turýǵa ruqsat alǵan sheteldikter men azamattyǵy joq adamdardy - sheteldiktiń turýǵa yqtııarhaty ne azamattyǵy joq adamnyń kýáligi negizinde aýmaqtyq kóshi-qon polıtsııasy bólimsheleri arqyly júzege asyrady.

Іshki kóship-qonýshyny tirkeý orny onyń zańdy mekenjaıy bolyp tabylady.

4. Іshki kóship-qonýshynyń turǵylyqty jerin tirkeý olardyń belgilengen tártippen turǵyn úıdi jeke menshikke satyp alǵanyn rastaıtyn ne ony paıdalanýǵa, onyń ishinde jalǵa alý (jaldaý) men qosymsha jalǵa alý sharty boıynsha alǵanyn rastaıtyn, sondaı-aq «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasynyń Zańynda kózdelgen negizder boıynsha turǵyn úıge qonystanýǵa quqyq beretin qujattardyń negizinde júzege asyrylady.

Іshki kóship-qonýshylardy tirkeý turǵyn úılerde, páterlerde, saıajaı qurylystarynda, baý-baqsha seriktestikterinde, kooperatıvterde, jataqhanalarda, qonaq úılerde, demalys úılerinde, sanatorıılerde, profılaktorıılerde, emdeý mekemelerinde, ınternat-úılerinde, pansıonattarda, qarttar úılerinde, qyzmettik ǵımarattar men úı-jaılarda júzege asyrylady.»;

6-tarmaq mynadaı redaktsııada jazylsyn:

«6. Bosqyndardy qospaǵanda, respýblıkadan tys jerlerden kelgen, tirkelýge jatatyn ishki kóship-qonýshylar - Qazaqstan Respýblıkasynyń azamattary jańa turǵylyqty jerine kelgen kúnnen bastap kúntizbelik 10 kúnnen asyrmaı, ýákiletti organǵa mynadaı qujattardy usynady:

1) jeke basyn kýálandyratyn qujat (16 jasqa deıingi balalar - týý týraly kýálik);

2) salystyryp tekserý úshin turǵyn úıdiń menshik ıesiniń jeke basyn kýálandyratyn qujaty jáne ýákiletti organ belgilegen nysan boıynsha turaqty ne ýaqytsha tirkeýge onyń jazbasha kelisimi (qyzmettik ǵımarattar men úı-jaılarda tirkelgen kezde - jumys orny boıynsha tirkelýi týraly uıym (mekeme) ákimshiliginiń qoldaýhaty).

Turǵyn úı ıesin tirkeý kezinde jazbasha kelisim talap etilmeıdi;

3) tirkeýge quqyǵyn rastaý úshin menshik ıesiniń belgilengen tártippen turǵyn úıdi jeke menshigine satyp alǵanyn rastaıtyn ne ony paıdalanýǵa alǵanyn, onyń ishinde jalǵa alý (jaldaý), qosymsha jalǵa alý sharty boıynsha alǵanyn kýálandyratyn, sondaı-aq «Mekenjaı tizilimi» aqparattyq júıesinde óndirilgen tirkeý mekenjaı kody (budan ári - TMK) bolmaǵan kezde oǵan «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasynyń Zańynda kózdelgen negizder boıynsha turǵyn úıge qonystanýǵa quqyq beretin qujat.

Belgilengen tártippen menshigine turǵyn úı satyp alǵanyn rastaıtyn ne ony paıdalanýǵa alǵany týraly kýálandyratyn, sondaı-aq «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasynyń Zańynda kózdelgen negizder boıynsha turǵyn úıge qonystanýǵa quqyq beretin qujattar týraly málimetti ýákiletti organ «Mekenjaı tizilimi» jáne «Jyljymaıtyn múlik tizilimi» aqparattyq júıelerinen ýákiletti laýazymdy adamdardyń elektrondyq-tsıfrlyq qoltańbasymen kýálandyrylǵan elektrondyq qujattar nysanynda alady;

4) tirkelgeni úshin memlekettik bajdyń (memlekettik baj tóleýden bosatylǵan adamdar rastaıtyn qujattardy usynady) tólengeni týraly túbirtek.

Respýblıkadan tys jerlerden kelgen Qazaqstan Respýblıkasynyń azamattary pasportyn, buryn turǵan elinen esepten shyqqanyn rastaıtyn qujatty ne buryn turǵan eliniń quzyretti organy bergen azamattyǵynyń joq ekeni týraly anyqtama usynady.»;

9 jáne 10-tarmaqtar mynadaı redaktsııada jazylsyn:

«9. Mynadaı ishki kóship-qonýshylar turǵylyqty jeri boıynsha tirkeýden shyǵarylýǵa tıis:

1) respýblıkadan tys jerlerge turaqty turýǵa ketkender;

2) sot sheshimimen turǵyn úıdi paıdalaný quqyǵynan aıyrylǵan dep tanylǵandar;

3) tirkeýden shyǵarylatyn adamnyń qatysýynsyz jáne onyń jeke basyn kýálandyratyn qujatsyz turǵyn úı ıesiniń ótinishi boıynsha;

4) qaıtys bolǵan adamdar.

10. Tirkelgen jáne tirkeýden shyǵarylǵan ishki kóship-qonýshylardy esepke alýdy Qazaqstan Respýblıkasynyń Іshki ister mınıstrligi belgilegen tártippen ishki ister organdary júzege asyrady.

Іshki kóship-qonýshylardy turǵylyqty jeri boıynsha tirkeý jáne tirkeýden shyǵarý «Halyqty qujattandyrý jáne tirkeý» tirkeý pýnkti» jáne «Sheteldikterdi qujattandyrý jáne tirkeý» tirkeý pýnkti» aqparattyq júıelerine málimetter engizý arqyly júzege asyrylady.

Іshki kóship-qonýshylardy jańa turǵylyqty jeri boıynsha tirkeý kezinde aqparattyq júıede burynǵy turǵylyqty jeri boıynsha tirkeýden alý bir ýaqytta júzege asyrylady.

Qaıtys bolýyna baılanysty ıeleriniń jeke basyn kýálandyratyn qujattaryn jaramsyzdar sanatyna kóshirgen ne azamattyq hal aktilerin tirkeý organdarynan aqparat kelip túsken kún kórsetilgen aqparattyq júıelerde qaıtys bolǵandardy turǵylyqty jeri boıynsha tirkeýden shyǵarý kúni bolyp tabylady.

Іshki kóship-qonýshylardyń tirkelgen jerin rastaıtyn qujat mekenjaı anyqtamasy bolyp tabylady.

Qazaqstan Respýblıkasynyń jáne Reseı Federatsııasynyń shekaralas aýmaǵynyń turǵyndary Qazaqstan-Reseı memlekettik shekarasyn kesip ótken jaǵdaıda ishki kóship-qonýshynyń tirkeý mekenjaıyn rastaıtyn qujat 2007 jylǵy 21 shildedegi Qazaqstan Respýblıkasynyń Zańymen ratıfıkatsııalanǵan Qazaqstan Respýblıkasynyń Úkimeti men Reseı Federatsııasy Úkimetiniń arasyndaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasynyń jáne Reseı Federatsııasynyń shekara mańyndaǵy aýmaqtary turǵyndarynyń Qazaqstan-Reseı memlekettik shekarasyn kesip ótý tertibi týraly kelisimge 3-qosymshaǵa sáıkes azamattardy tirkeý kitaby bolyp tabylady.

Azamattardyń tirkeý kitabyn oǵan tirkeý týraly mórtańba qoıa otyryp ýákiletti organ beredi, berý aldynda pasporttyq eltańbaly mórmen jáne shki ister organdarynyń ýákiletti qyzmetkeriniń qolymen kýálandyrady.»;

13-tarmaqtyń birinshi abzatsy mynadaı redaktsııada jazylsyn:

«13. Úsh aıdan astam merzimge ýaqytsha turýǵa kelgen ishki kóship- qonýshylardy ishki ister organdary burynǵy tirkelgen jerinen esepten shyǵarmaı, bir jylǵa deıingi merzimge ýaqytsha turatyn jeri boıynsha esepke alady. Qyzmettik mindetterin oryndaý turaqty turatyn jerinen tys (rastaıtyn qujat bolǵan jaǵdaıda) uzaq turýmen (bir jyldan astam) baılanysty adamdar burynǵy tirkelgen jerinen shyǵarylmaı mindetterin oryndaý úshin qajetti búkil merzimge esepke alynady.»;

15-tarmaq mynadaı redaktsııada jazylsyn:

«15. Táýelsiz Memleketter Dostastyǵyna qatysýshy kúshteriniń áskerı qyzmetshilerin turǵylyqty jeri boıynsha tirkeý áskerı qyzmetshilerdiń pasporttary jáne jeke kýálikteri boıynsha júzege asyrylady.».

2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri B.SAǴYNTAEV