Qazaqstanda ishki baǵyttardaǵy poıyz bıletteri elektrondy jolmen ǵana satylmaq
ASTANA. QazAqparat - 2020 jylǵa qaraı Qazaqstanda ishki baǵyttarǵa arnalǵan temir jol kólikteri bıletterin elektrondy satyp alýǵa kóshý josparlanyp otyr. Bul týraly «Qazaqstan temir joly» UK» AQ aqparattyq tehnologııalar boıynsha vıtse-prezıdenti Arman Nuryshev málim etti, dep habarlaıdy QazAqparat tilshisi.
«Elektrondy bıletterdi satýǵa arnalǵan eki saıt ázirlendi, odan bólek mobıldi qosymshalar shyǵarylyp, vokzaldarda ózine-ózi qyzmet kórsetetin arnaıy termınaldar ornatyldy. Syrtqy saıttarǵa da qoljetimdilik berip, poıyzdarda qansha bos oryn qalǵanyn ashyq kórsetip otyrmyz. Sondaı-aq, satyp alýshylarǵa arnalǵan kútý paraǵy, poıyzdardyń reıtıngin jasaý qyzmetteri de bar. 2020 jylǵa qaraı kompanııa bıletterdiń 90 protsenttik elektrondy satylymyna kóshýdi josparlap otyr. 10% ǵana memleketaralyq baǵyttarda qaǵaz bıletti rásimdeý úshin saqtalady», - dedi Arman Nuryshev Astanada ótken brıfıngte.
Buǵan deıin Tulpar-Talgo» poıyzdaryna bıletti erte satyp alǵan jaǵdaıda 20-25%-ke deıin jeńildikter beriletini habarlanǵan edi.
Sondaı-aq, 2020-2022 jyldary Qazaqstannyń barlyq poıyzdaryn Wi-Fi qyzmetimen qamtý josparlanýda.
