Qazaqstanda ishimdikten bas tartýǵa arnalǵan sharalar bastaldy
Sharany ótkizýdegi maqsat - halyqtyń alkogoldi ishimdikterdiń aǵzaǵa tıgizetin keri áseri týraly habardarlyǵyn arttyrý, balalardyń, jasóspirimder men jastardyń óz densaýlyǵyna degen jaýapkershiligin qalyptastyrý, salaýatty ómir saltyn nasıhattaý.
Onkúndik barysynda medıtsınalyq uıymdarda mamandar keńesiniń ashyq esik kúnderi ótedi: dóńgelek ústelder; psıholog, narkolog, áleýmettik mamandardyń qatysýymen oqý oryndarynda alkogoldi ishimdikterden bas tartý ádetin qalyptastyrý; «Deni saý qala» keń kólemdi aktsııasy, jasóspirimder men jastardyń qatysýymen halyq kóp shoǵyrlanǵan jerlerde flesh-mobtar ótkizý; aımaqtyq SÓS ortalyqtary bazasynda jastardyń densaýlyq ortalyqtary qyzmetkerleri jáne mektep dırektorlarynyń tárbıe isi jónindegi orynbasarlary úshin sheberlik synyptary; «Balalar lıgasy ishimdikke qarsy!» uranymen oqýshylar arasyndaǵy baıqaýlar.
Alkogoldi ishimdikterdi shamadan tys qoldaný ólimniń kobeıýine, densaýlyqtyń jáne turǵyndardyń eńbekke qabilettiliginiń nasharlaýyna basty sebep bolyp otyr. Ol psıhıkalyq jáne minez-qulyqtyq aýytqýlarǵa, onyń ishinde ishimdikke táýeldilikke, baýyr tsırrozy, qaterli isiktiń keıbir túrlerine, júrek-qan tamyrlarynyń aýrýlary jáne taǵy basqa aýyr juqpaly aýrýlarǵa ákep soǵady.
Dúnıejúzilik densaýlyq saqtaý uıymynyń málimetterine sáıkes, álemde ishimdikti shamadan tys qoldanýdyń nátıjesinde jyl saıyn 3,3 mln. adam kóz jumady. Esterińizge sala keteıik, Qazaqstanda alkogoldi ishimdikten bas tartý Ulttyq kúni 2007 jyldan beri atalyp keledi.