Qazaqstanda iri qara mal basynyń sany qansha
«2021 jyly mal sharýashylyǵynyń jalpy ónim kólemi 3,6 paıyzǵa artyp, 3104,5 mlrd teńgeni qurady. Qabyldanǵan sharalardyń arqasynda mal men qus sany turaqty qarqynmen ósip keledi. 2021 jyldyń qorytyndysy boıynsha iri qara mal basy 8,2 mln basty qurady, bul 2020 jyldyń deńgeıinen 4,3% artyq. Qoı men eshki basy 4% (20,9 mln bas), jylqy basy 10,5% (3,5 mln bas), túıe basy 6,9%-ǵa (243,4 myń bas) ulǵaıdy», - delingen mınıstrlik málimetinde.
Sonymen qatar, sharýashylyqtardyń barlyq sanattarynda qus sany 10,6 paıyzǵa, 47 787,4 myń deıin ósti.
Sáıkesinshe, mal sharýashylyǵy ónimderin óndirýde: et – 5% jáne sút - 3,2% ulǵaıyp otyr.
«Mal azyǵymen qamtamasyz etý salasynda 2022 jylǵa 24,2 mln tonna shóp, 1,6 mln tonna pishendeme, 2 mln tonna súrlem, 4,8 mln tonna saban jáne 5,2 mln tonna qunarly jem daıyndaldy. Bul aýyl turǵyndaryna aýyl sharýashylyǵy qurylymdary men jeke qosalqy sharýashylyqtarynda mal basyn qysqy kezeńge azyqpen qamtamasyz etýge múmkindik beredi. Budan bólek, mınıstrlik oblystardyń ákimdikterimen birlesip, aýyl sharýashylyǵy janýarlaryn azyqpen qamtamasyz etýdiń júıeli sharalaryn pysyqtady. Olar 2022-2025 jyldarǵa arnalǵan jem-shóp óndirisi salasyn damytý jónindegi Jol kartasynda kórinis tapty», - dep atalyp ótken vedomstvo aqparatynda.
