Qazaqstanda iri bıznestiń «ǵumyry» uzaq – zertteý
NUR-SULTAN. QazAqparat – Qazaqstanda iri bıznestiń «ǵumyry» uzaq. Sektordaǵy kompanııalardyń 3,3 paıyzy elimizdiń naryǵynda shırek ǵasyrdan beri jumys istep keledi, dep habarlaıdy QazAqparat tilshisi Finprom.kz resýrsyna silteme jasap.
«Osy jyldyń qańtarynda Qazaqstanda 446,7 myń zańdy tulǵa tirkeldi. Bul bir jyl burynǵy kórsetkishten 3 paıyzǵa kóp. Salystyrý úshin aıtar bolsaq, ótken jyldyń dál osy kezeńinde 433,8 kásiporyn tirkelip, bir jyldaǵy ósim 5,1 paıyz bolǵan edi. Onyń ishinde jumys istep turǵan kompanııalardyń sany 308 myńǵa jetti. Jyldyq ósim birden 10,1 paıyzǵa artty. Qurylǵanyna bir jyl bolmaǵan kompanııalar sany - 36,1 myń. Al bir jyl buryn olardyń sany 38,6 myń bolǵan. Bir jyldan 5 jylǵa deıin jumys istep turǵan kompanııalar sany – 119,9 myń» delingen taratylǵan aqparatta.
Finprom.kz málimetinshe, Qazaqstanda jumys istep turǵan kompanııalardyń 19,3 paıyzynyń qurylý tarıhy 6-10 jyldy, 14,6 paıyzy 11-15 jyldy, 9,3 paıyzy 16-20 jyldy, 5,2 paıyzy 21-25 jyldy quraıdy. Shaǵyn kásiporyndardyń tek 0,9 paıyzy ǵana elimizdiń naryǵynda 25 jyldan astam ýaqyttan beri jumys istep keledi.
«Kásiporynnyń naryqta uzaq ýaqyt jumys isteýi onyń kólemine baılanysty ekendigi anyq baıqalady. Aıtalyq iri bıznes segmentinde naryqta 25 jyldan astam ýaqyt jumys istep kele jatqan kompanııalardyń sany 3,3 paıyz bolsa, orta bızneste 2,5, al shaǵyn bızneste ne bári 0,9 paıyzdy quraıdy», - dep atap ótedi Finprom.kz.
