Qazaqstanda Irannyń ıadrolyq máselesi boıynsha «altylyqtyń» kelissózderi BAQ úshin ashyq bolady

Bul týraly búgin Astanadaǵy brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Jaqyn kúnderi QR Syrtqy ister mınıstrligi, Ortalyq kommýnıkatsııalar qyzmeti men QR Mádenıet jáne aqparat mınıstrligi atalǵan sharaǵa Qazaqstan men sheteldik BAQ-tyń tirkeleýi joldary jaıynda jalpy aqparatty taratady. Menińshe, bul aqparat aǵymdaǵy aptanyń sońyna qaraı jarııa bolady»,-dedi resmı ókil.

Budan buryn habarlanǵandaı, Iran ókilderi men Iran ıadrolyq baǵdarlamasy boıynsha halyqaralyq araaǵaıyndyq "altylyǵy" (Reseı, AQSh, Qytaı, Germanııa, Frantsııa, Ulybrıtanııa) ókilderi kelissózderiniń kelesi kezeńi 26 aqpanda Qazaqstanda ótkiziledi.

Qazaqstan óz jaǵynan atalǵan kelissózderdi qabyldaýǵa daıyn ekenin jarııalaǵan edi.