Qazaqstanda ıpoteka naryǵy qysqaryp keledi

ASTANA.QazAqparat - Bıylǵy jyldyń sáýir aıynda ıpoteka naryǵynyń qysqarýy Qazaqstannyń barlyq óńirlerin qamtydy, sektor kóleminiń 12%-yn joǵaltty, dep habarlaıdy  ranking.kz. 

Sarapshylardyń aıtýynsha, ıpotekalyq naryqtyń bulaısha quldyraýy bes jyl buryn 2012 jyldyń sáýir aıynda nesıe kólemi 15%-ǵa qysqarǵan tusta  bolǵan. 

Jalpy aıtqanda, ıpotekalyq qaryz qorjynynyń qysqarýy 2017 jyldyń sáýir aıynda 119,4 mlrd teńgeni qurady. Ótken jyldyń sáýir aıynda QR ekinshi deńgeıli bankteriniń ıpotekalyq qorjyny nebári 0,1%-ǵa, nemese 0,6 mlrd teńgege qysqarǵan. 

2017 jyldyń alǵashqy úsh aıynda QR EDB ıpotekalyq qorjyny 1,5% (15,1 mlrd teńge) artyp, trıllıonǵa jete bere toqtady - 998,4 mlrd teńge.

Bul kezde turǵyn úı jınaǵy júıesindegi operator aıqyndamasy nyǵaıdy - TÚJB ıpotekalyq qorjyny 2017 jyldyń sáýir aıynda 2,3% (8,0 mlrd teńge), 353,5 mlrd teńgege deıin artyp, QR EDB ıpotekalyq qaryzdaryndaǵy   TÚJB úlesi 34,6%-dan 40,2%-ǵa ósti.

2017 jyldyń sáýir aıynda ıpotekalyq nesıe qorjynynyń qysqarýy Qazaqstannyń barlyq aımaqtarynda tirkeldi. Ipotekalyq qaryz kóleminiń qysqarýy ásirese Qaraǵandy oblysynda kórinis tapty - 20,8% (11,2 mlrd teńge), 43,6 mlrd teńgege deıin.

QR turǵyndaryn ıpoteka suranysyna yntalandyrý maqsatyndaǵy «Nurly jer» turǵyn úı qurylysy memlekettik baǵdarlamasy baǵyttarynyń biri ıpotekalyq qaryz boıynsha syıaqy mólsherlemesin qarjylandyrý. Sýbsıdııalandyrý tek EDB-den syıaqy mólsherlemesi boıynsha, QR UB bazalyq mólsherlemesiniń deńgeıinen 5% artyq aspaıtyn turǵyn úı ıpotekalyq qaryzdaryna ǵana beriledi.