Qazaqstanda ınjenerlik akademııa ashyldy
A. Baıtursynuly atyndaǵy Qostanaı óńirlik ýnıversıtetinde 7-11 synyp oqýshylaryna, sondaı-aq olardyń ata-analaryna arnalǵan ınjenerlik akademııanyń tanystyrylymy ótti, dep habarlaıdy Kazinform.
Uıymdastyrýshylardyń aıtýynsha, ınjenerlik akademııa shyǵarmashylyq oılaý men ınjenerlik mindetterdi sheshý daǵdylaryn damytýǵa, sondaı-aq oqýshylardyń ınjenerlik ǵylymdarǵa degen qyzyǵýshylyǵyn arttyrýǵa yqpal etetin bolady.
"Injenerlik mekteptiń basty maqsattarynyń biri - daryndy jastardy, eń aldymen mektep oqýshylaryn kásibı baǵdarlaý jáne ınjenerlik mamandyqtar men oqý oryndaryn tańdaý úshin tartý. Injenerlik mektep barlyq tilek bildirýshiler úshin fakýltatıv qaǵıdaty boıynsha jumys isteıtin bolady. Olar úshin túrli konkýrstar men olımpıadalar ótkiziletin zerthanalar qyzmet kórsetedi", - dep jazdy Ǵylym jáne joǵary bilim mınıstrliginen.
Uıymdastyrýshylar ish pystyratyn dárister men sabaqtardan alystap, akademııaǵa óz ómirin ınjenerııaǵa arnaǵysy keletinder ǵana kiretindeı sabaqtar qurýdy josparlap otyr.