Qazaqstanda ınjenerlik jelilerdiń 70%-ǵa jýyǵy tsıfrlandyryldy
Elimizde memlekettik qala qurylysy kadastrynyń tsıfrly qoryn qalyptastyrý aıasynda ınfraqurylymdyq derekterdi tsıfrlandyrý jumysy jalǵasyp keledi.
Qala qurylysy kadastrynyń tsıfrly qory jyl saıyn eldi mekenderdegi qurylys aýmaqtaryndaǵy ınjenerlik ınfraqurylymnyń derekterimen tolyqtyrylyp otyrady.
Máselen, 2022 jyldyń qorytyndysy boıynsha ınjenerlik jelilerdiń 69,3% tsıfrlandyryldy. Bul rette 2021 jyly atalǵan kórsetkish 63,1% deńgeıinde baıqalǵan edi.
Bıyl respýblıkalyq jáne jergilikti bıýdjettiń qarajaty esebinen óńirlerdegi 80 myń gektardan artyq qurylys aýmaǵyn túgendeý josparlanyp otyr.
Osy arqyly 2023 jyldyń sońyna qaraı qajetti qarjylandyrý bolǵan jaǵdaıda ınjenerlik jelilerdiń 88%-y tsıfrlandyrylady dep boljanýda.
Esterińizge sala keteıik, eldi mekenderdiń ınfraqurylymdyq derekterin (aýdan ortalyqtarynyń deńgeıine deıin) tolyq tsıfrlandyrýdy 2024 jyldyń sońyna deıin júzege asyrý kózdelgen.
