Qazaqstanda ınjenerlik kommýnıkatsııalar tsıfrlandyrylady

ASTANA. QazAqparat - Qazaqstannyń barlyq ınjenerlik nysandary taıaý ýaqytta memlekettik tsıfrlyq kadastrǵa engiziledi. Tsıfrlyq kadastyrdy jasaýmen QR Investıtsııalar jáne damý mınıstrligi komıteti «Memlekettik qala qurylysyn josparlaý jáne kadastr respýblıkalyq ortalyǵy» RMK aınalysýda, dep habarlaıdy QazAqparat.
None
None

Aıta ketken jón, 2014 jylǵa deıin qalalyq kadastr túrli baǵdarlamalarda, túrli derekter formatynda, sondaı-aq deńgeıine baılanysty ártúrli organdarda júrgizilip keldi.

Atap aıtqanda, respýblıkalyq deńgeıde kadastrdy qurylys salasyndaǵy quzyretti organ júrgizdi. Oblystyq, aýdandyq jáne bazalyq kadastrdy jergilikti atqarýshy organdar júzege asyrdy.

Buǵan deıin respýblıka aýmaǵynda bazalyq deńgeıdegi kadastrlar ishinara júrgizilip kelse, oblystyq deńgeıde eshbir óńirde bolmady.

2014 jyldan bastap «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» QR Zańynda (37, 38 jáne 40-baptary) qabyldanǵan túzetýlerge sáıkes, Memlekettik qala qurylysy kadastry sáýlet, qala qurylysy jáne qurylys isteri jónindegi ýákiletti organ belgilegen, jerdiń betki jáne astyńǵy qabatyndaǵy ınfraqurylymdar men barlyq jyljymaıtyn nysandar týraly aqparatty tirkeý, esepke alý, saqtaý jáne berýdiń biryńǵaı júıesinde saqtalady.
null 

Qazirgi ýaqytta elimizdiń ınjenerlik ınfraqurylymdary men jyljymaıtyn múlik týraly derekterdi tsıfrlandyrý júrgizilip, memlekettik qala qurylysy kadastry jasaldy. Bul qurylys salasyn tsıfrlandyrýdyń mańyzdy elementi ekenin atap ótken jón.

Kóp uzamaı sý, elektr qýaty, jylý jáne gazben jabdyqtaý sııaqty Qazaqstannyń ınjenerlik jelileri memlekettik tsıfrlyq kadastrǵa engiziletin bolady.

QR Investıtsııalar jáne damý vıtse-mınıstri Qaıyrbek Óskenbaev atap ótkendeı, Ekonomıka sektorlarynyń barlyq baǵyttary men ınfraqurylymdaryn tsıfrlandyrý arqyly bir aqparattyq alańǵa biriktirý - salanyń jaǵdaıyn obektıvti baǵalaýǵa jáne ony ári qaraı damytýǵa múmkindik beredi.

IT-kadastry óńirler men eldi mekenderdegi sáýlet, qala qurylysy jáne qurylys salalarynda memlekettik organdarǵa jáne múddeli taraptarǵa aqparat berý qajettiligi máselelerin sheshedi.

Sonymen qatar Qurylys jáne turǵyn úı-kommýnaldyq sharýashylyǵy isteri komıtetiniń tóraǵasy Marhabbat Jaıymbetov atap ótkendeı, memlekettik qalalyq kadastr derekterin esepke alý jáne ınventarızatsııa kómegimen jerdiń betindegi kommýnıkatsııalar nysandaryn josparlaý jáne jobalaý ońaıyraq bolady. Ár sala boıynsha árbir uıymdastyrylǵan eldi mekende ınventarızatsııa turaqty túrde júrgizilýi tıis. Onyń derekteri Memlekettik qalalyq kadastrdyń biryńǵaı júıesine engiziledi. Qazirgi tańda ınventarızatsııa Shymkent, Kókshetaý, Pavlodar, Petropavl, Aqtóbe, Qyzylorda, Taraz jáne Oral aýmaǵynda bastaldy. 

Сейчас читают