Qazaqstanda ınvestorlarmen jumys isteıtin arnaıy komanda quryldy

NUR-SULTAN. QazAqparat - Memleket basshysynyń Investıtsııalardy basqarý júıesin reformalaý jónindegi tapsyrmasyn oryndaý maqsatynda áleýetti ınvestorlarmen jumys isteý jónindegi arnaıy top – Task Force quryldy.

Bul týraly QazAqparat QR Syrtqy ister mınıstrliginiń resmı saıtyna silteme jasap habarlaıdy.

Task Force qurý týraly birlesken buıryqqa búgin QR Premer-Mınıstriniń orynbasary – Syrtqy ister mınıstri Muhtar Tileýberdi men «Astana» Halyqaralyq qarjy ortalyǵynyń basqarýshysy Qaırat Kelimbetov qol qoıdy.

Task Force - bul Investıtsııalyq shtabtyń jumysyn uıymdastyrýǵa jáne Investıtsııalyq shtabtyń kún tártibin qalyptastyrýǵa jaýapty arnaıy kelissózder júrgizetin top. Ol jobalardy ázirleý, qurylymdaý protsesinen bastap ınvestıtsııalyq jobany iske asyrý bastalǵanǵa deıin tolassyz súıemeldeýdi qamtamasyz etetin bolady.

Búgingi tańda komandanyń alǵashqy quramy qalyptastyryldy, oǵan KAZAKH INVEST jáne AHQO qyzmetkerleri turaqty músheler retinde kirdi. Task Force jumysyna OMO, JAO, qarjy ınstıtýttary, kvazımemlekettik sektor men «Atameken» UKP qyzmetkerleri, sondaı-aq Qazaqstannyń sheteldegi elshilikteriniń ókilderi tartylatyn bolady.

Investorlarmen pysyqtalatyn naqty jobalar Investıtsııalyq shtabtyń qaraýyna shyǵarylatyn bolady. Shtabtyń mindeti - ınvestor úshin erekshe jaǵdaılardy qamtamasyz etý boıynsha basqarýshylyq sheshim qabyldaý.

Investorlarmen pysyqtalyp jatqan naqty jobalar QR Premer-Mınıstriniń tóraǵalyǵymen Investıtsııalyq shtabtyń qaraýyna shyǵarylatyn bolady.

Investshtabtyń mindeti - ınvestor úshin erekshe jaǵdaılardy qamtamasyz etý boıynsha jáne aǵymdaǵy jyldyń 16 qańtarynda kúshine engen (2020 jylǵy 2 jeltoqsanda qol qoıylǵan) «Ekonomıkalyq ósýdi qalpyna keltirý týraly zań» sheńberinde strategııalyq ınvestıtsııalyq kelisimge qol qoıý boıynsha basqarýshylyq sheshim qabyldaý.