Qazaqstanda ınvestorlardyń jumystary jeńildeıdi
ASTANA. QazAqparat - Qazaqstanda ınvestorlardyń jumysyn jeńildetý úshin Investıtsııalyq jobalardyń kartasy engiziledi. Búgin Úkimet otyrysynda atalǵan mınıstrliktiń basshysy Jeńis Qasymbek osylaı málim etti, dep habarlaıdy QazAqparat.
Onyń sózine qaraǵanda, atalǵan karta eki topqa bólinedi, ıaǵnı ınvestorlarǵa usyný úshin perspektıvaly ınvestıtsııalyq jobalar jáne ınvestorlar tartylǵan jobalar baǵytynda jikteledi.
«Bul karta ınvestıtsııalyq jobalardy júzege asyrýdy monıtorıngileýdiń basty tetigine aınalady, sondaı-aq ınvestıtsııa tartýda memlekettik organdar men ulttyq kompanııalardyń jáne ákimdikter jumysyn baǵalaýdyń tıimdi júıesi bolady», - deıdi mınıstr.
Esterińizge sala keteıik, QR Úkimetiniń otyrysynda 2018-2022 jyldarǵa arnalǵan Ulttyq ınvestıtsııalyq strategııa bekitildi.
