Elimizde ınvestıtsııalyq kedergilerdi joıýǵa arnalǵan jańa joba bastaldy
ASTANA. KAZINFORM — Elimizde ınvestorlardyń quqyǵyn qorǵaý úshin INVEST CARAVAN jobasy qolǵa alyndy, dep habarlaıdy Investorlardyń quqyqtaryn qorǵaý komıtetiniń baspasóz qyzmeti.
Óńirlerdegi ınvestprokýrorlar ınvestıtsııalyq jobalar júzege asyrylyp jatqan nysandarǵa tikeleı baryp, bıznes máselelerin jedel sheshýge jáne ákimshilik kedergilerdi joıýǵa kómektesedi. Jobanyń maqsaty — ınvestorlar, memlekettik organdar jáne kvazımemlekettik sektor arasynda bıýrokratııalyq kidirister men uzaq hat almasýsyz tikeleı dıalog ornatý.
— Aktsııa aıasynda prokýratýra ókilderi elimizdiń barlyq óńirindegi arnaıy ekonomıkalyq jáne ındýstrııalyq aımaqtarǵa, óndiristik alańdarǵa jáne iri ınvestıtsııalyq nysandarǵa barady. Negizgi nazar bıznes úshin ózekti máselelerge: ınjenerlik ınfraqurylymǵa qosylý, ruqsat qujattaryn alý, memlekettik qyzmet kórsetý merzimderiniń saqtalýy, ákimshilik qysym faktileri jáne memlekettik organdarmen ózara is-qımylǵa aýdarylady, — delingen komıtet taratqan aqparatta.
Іs júzinde ınvestorlar máselesin jobalar júzege asyrylyp jatqan jerde tikeleı kótere alady, al ýákiletti organdar olardy jumys tártibinde jedel qarastyryp, sheshim shyǵarady.
Investorlardyń quqyqtaryn qorǵaý komıtetiniń málimetinshe, INVEST CARAVAN bıznes pen memleket arasyndaǵy tikeleı baılanysty kúsheıtip, ınvestıtsııalyq jobalardyń júzege asýyna kedergi keltiretin tosqaýyldardy jedel joıýǵa múmkindik beredi.
Quqyǵy buzylyp, ákimshilik kedergilerge tap bolǵan ınvestorlarǵa 115 Call-ortalyǵyna júginý usynylady.
Buǵan deıin Shymkentte prokýrorlar ınvestordyń polıtsııaǵa qatysty shaǵymyn tekserip jatqanyn jazdyq.
