Qazaqstanda ınvestıtsııalyq saıasattyń jańa tujyrymdamasy ázirlendi
NUR-SULTAN. QazAqparat – Elimizde ınvestıtsııalyq saıasattyń jańa tujyrymdamasy ázirlendi. Bul týraly QR Premer-Mınıstri Álıhan Smaıylov málim etti, dep habarlaıdy QazAqparat tilshisi.
«Otandyq kásipkerler keńesimen birge ınvestıtsııalyq ahýaldy jáne bıznes ortany ári qaraı jaqsartýǵa baǵyttalǵan sharalar iske asyrylady. Sondaı-aq, ınvestıtsııalyq saıasattyń jańa tujyrymdamasy ázirlendi. Onda negizinen jeke ınvestıtsııalarǵa basymdyq beriledi. Bizge elimizdiń ekonomıkasyn qalpyna keltirý men damytýdyń draıveri bolatyn jobalar qajet», - dedi Álıhan Smaıylov «Atameken» ulttyq kásipkerler palatasynyń kezekten tys ІH sezinde.
Sondaı-aq, Úkimet basshysy qazaqstandyq bıznesti ulttyq ekonomıkaǵa belsendi túrde ınvestıtsııa salýǵa shaqyrdy.
«Al memleket óz kezeginde jekemenshiktiń jáne zań ústemdiginiń turaqtylyǵyna kepildik berýi tıis. Infraqurylym bıznestiń bárine birdeı qoljetimdi bolýy qajet», - deıdi ol.
