Qazaqstanda ınvestıtsııalyq saıasat keń aýqymda júrgizile bastaıdy - Á. Isekeshev
«Biz ınvestıtsııalyq saıasattyń aýqymyn keńeıte túsemiz. Bul rette Elbasy jańa ekonomıkalyq saıasat aıasynda bıýdjettik ınvestıtsııalardan meılinshe bas tarta otyryp, jeke ınvestıtsııalardy barynsha tartýdy júktegen bolatyn. Bunda negizgi másele memlekettik-jekeshelik áriptestik pen sheteldik ınvestorlar týraly bolyp otyr. Sondyqtan da, byltyrǵy jyl boıy qabyldanǵan «100 qadam» Ult josparynyń basym bóligi osy baǵytqa negizdeledi. Osyǵan baılanysty kontsessııalar týraly, memlekettik-jekeshelik týraly, aýyl sharýashylyǵy týraly jańa zańnamalardyń qabyldanǵany ataýǵa bolady», - dedi kezdesýde Áset Isekeshev.
Onyń aıtýynsha, endigi kúni ınvestıtsııalar tartýda tek óńdeýshi salaǵa ǵana emes, basqa salalarǵa da basymdyqtar qarastyrylady. Olardyń arasynda aýyl sharýashylyǵy, týrızm, densaýlyq saqtaý, bilim berý, mýnıtsıpaldy ınfraqurylym sekildi baǵyttar bar.
«Osyǵan baılanysty búgingi kúni jekeshelendirý baǵdarlamasynyń ózi iri kompanııalardy ǵana emes, jergilikti nysandardy da qamtyp otyr. Budan bólek, jer qatynastary, bilim berý jáne aýyl sharýashylyǵy sekildi salalardaǵy zańnamalyq ózgerister ınvestorlar úshin tartymdylyqty arttyra túspek», - dedi mınıstr.
