Qazaqstanda ınvestıtsııalyq rezıdenttikti engizý josparlanyp otyr

ASTANA. QazAqparat - Qazaqstanda ınvestıtsııalyq rezıdenttikti engizý josparlanyp otyr. Bul týraly búgin Ádilet mınıstrliginde Zań jobalaý qyzmeti máseleleri jónindegi vedomstvoaralyq komıssııanyń otyrysynda QR Qarjy vıtse-mınıstri Berik Sholpanqulov málim etti, dep habarlaıdy QazAqparat.

Vıtse-mınıstr «Astana» halyqaralyq qarjy ortalyǵy týraly» QR Konstıtýtsııalyq Zańyna ózgerister men tolyqtyrýlar engizý týraly» qujatty tanystyrdy.

«Zań jobasy aıasynda «ınvestıtsııalyq rezıdenttik» túsinigi engiziledi. Bul óz kezeginde qarym-qatynas salasyna qatysty bolǵandyqtan, zańnamalyq retteýdi talap etedi. Sondyqtan da zań jobasynda atalǵan salany retteý usynylady, sondaı-aq «Astana» halyqaralyq qarjy ortalyǵynyń quqyqtyq keńistiginde ınvestıtsııalyq rezıdenttikti iske qosý eskeriledi.  Osy oraıda sheteldikter men halyq mıgratsııasynyń quqyqtyq erejesi týraly Qazaqstan Respýblıkasynyń barsha zańnamasyn qozǵamaı, bul protsesti iske asyrýǵa múmkindik beredi. Zań jobasymen «ınvestıtsııalyq rezıdenttik baǵdarlamasy» túsinigi de engiziledi. Onyń aıasynda sheteldikter ınvestıtsııasyn qarastyratyn sharalar kesheni túsindiriled», - dedi B. Sholpanqulov.

Onyń sózine qaraǵanda, zań jobasynda «jasyl qarjylandyrý» túsinigi de bekitilgen. Qujat normasynda «jasyl» oblıgatsııalar, «jasyl» nesıeler, «jasyl» ıpoteka, «jasyl» saqtandyrý sekildi tetikterdi engizý jolymen Qazaqstanda «jasyl» qarjylandyrý naryǵyn damytý AHQO-nyń maqsaty bolatyndyǵy kórsetilgen. 

Budan bólek, zań jobasynda AHQO sotyna, satyp alýlar salasyna, eńbek qatynasy, sondaı-aq salyqqa qatysty naqtylaýshy túzetýler eskerilgen.