Qazaqstanda ınternetti paıdalanýshylar sany 10 mıllıonnan asty
Bul týraly búgin Astanada ótken «Qazaqstandyq BAQ jáne ınternet-resýrstardyń básekege qabilettiligin arttyrý» atty semınar-trenıngte QR Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Kalıanbekov málim etti.
B.Kalıanbekovtiń sózine qaraǵanda, qazirgi ýaqytta Qazaqstanda ınternet paıdalanýshylardyń sany artyp keledi. «Sońǵy 10 jylda dúnıejúzinde ınternet-paıdalanýshylardyń sany 5 esege deıin kúrt ósken. Qazaqstanda da ınternet qarqyndy damyp keledi. QR Kólik jáne kommýnıkatsııa mınıstrliginiń málimeti boıynsha, 2013 jyly naýryz aıynda Qazaqstanda ınternettiń kirigý deńgeıi 62,3 paıyzdy quraǵan. Bul shamamen 10 mln. astam adam», - deıdi ol.
Komıtet basshysynyń atap ótkenindeı, soǵan baılanysty ınternette otandyq kontenttiń qalyptasýy da zańdylyq.
«2010-2013 jyldar ishinde saıttar men KZ jáne KAZ domenderiniń aýmaǵy eki esege kóbeıgen. Qazirgi ýaqytta elimizde 95 myńnan astam domen tirkelgen. ıAǵnı búgingi tańda ınternettiń qazaqstandyq segmentinde osynshama saıt bar degen sóz», - dedi ol.
