Qazaqstanda ınternet saýdanyń damýyna ne kedergi
ASTANA. QazAqparat - Qazaqstannyń ınternet bıznesi men mobıldi kommertsııasy qaýymdastyǵynyń prezıdenti Konstantın Gorojankın QazAqparat tilshisimen áńgimelese otyryp, elimizdegi ınternet saýdanyń damýyna kedergi eki negizgi faktordy atady.
«Internet saýdanyń damýy úshin eki nərseni iske asyrý kerek. Men bul məseleler týraly burynnan aıtyp kelemin. Internet-ekonomıkadaǵy problemanyń biri - Qazaqstandaǵy bankterdiń kartochkalary berilgen kezden bastap ınternet-tólem júrgizý úshin ədette jabyq keledi. Kartochkalardy birden ınternet tólem úshin daıyn túrinde shyǵaratyn bankter sanaýly. Al, ınternet saýda damyǵan batys elderinde jaǵdaı múlde basqa. Batys bankteri kartochkalardy kez kelgen tólemge ashyq kúıinde daıyndap shyǵarady. Eger adam alańdasa, ondaı qyzmet túrin ózi aldyryp tastaıdy. Biz bul məseleni Úkimet deńgeıine shyǵaryp, Ulttyq bankke de hat joldaǵan bolatynbyz. Sondyqtan, erte me, kesh pe, bul júıe bizde qalypty jaǵdaıǵa aınalady dep oılaımyn»,-deıdi maman.
Konstantın Gorojankın ınternet bıznestiń damýyn aıaqtan shalyp otyrǵan ekinshi másele - salyq, deıdi.
«Ekinshi məsele, ınternet saýdany damytý úshin salyq boıynsha biraz jeńildikter jasaý kerek. Sebebi, AQSh pen Qytaıda ınternet dúkender salyqtan bosatylǵan. Mysaly, AQSh-ta ınternet dúkender saýdadan salyq tólemeıdi. Qazaqstanda da osy təjirıbeni qoldaný kerek»,-deıdi ol.
Sondaı-aq, maman Qazaqstan aýmaǵy boıynsha álemde toǵyzynshy orynda ekenin, sondyqtan, ınternet dúkenderdiń barlyǵy úshin logıstıka eń mańyzdy másele bolyp turǵanyn atap ótti.
«Biraq, bul kedergilerge qaramastan, ınternet saýda baıaý bolsa da damyp keledi. Qazaqstanda ınternet ekonomıka búkil ekonomıkanyń 1,7-2 paıyzyn quraıdy. Bul óte az kórsetkish. Degenmen, damý bar»,-dedi ol.
