Qazaqstanda ınternet-saýda aınalymy sońǵy 2 jyl ishinde 3 esege ósti - K. Gorojankın
ALMATY. QazAqparat- Qazaqstanda ınternet-saýda aınalymy sońǵy 2 jyl ishinde 3 esege ósti. Bul týraly búgin Almatyda «IPROF-2014» atty IV Kásipqoı ınternet-konferentsııa barysynda Qazaqstandyq ınternet-bıznes jáne mobıldi kommertsııa Qaýymdastyǵynyń prezıdenti Konstantın Gorojankın málimdedi.
Onyń aıtýynsha, 2012 jyly Qazaqstanda ınternet-saýda salasyndaǵy jyldyq taýar aınalymy 400 mln. dollar bolsa, 2013 jyly bul kórsetkish 600 mln.dollardy quraǵan.
«Qazaqstanda ınternet-saýda qaryshtap damyp keledi. Budan eki jyl buryn qazaqstandyq ınternet-dúkenderdiń tranzaktsııalary 10 paıyzdy ǵana quraǵan. ıAǵnı, tutynýshylarymyzdyń ınternet arqyly taýar alýǵa jumsaǵan aqshalarynyń 90 paıyzy shet eldik ınternet-dúkenderdiń kassasyna túsip jatty. Al qazir, tranzaktsııalardyń 27 paıyzy qazaqstandyq ınternet-dúkenderde qalyp jatyr. Qalǵan 71 paıyzy shet eldik ınternet-dúkenderge tólenedi. Demek, shet eldik ınternet dúkenderge degen senim áli de basym. Degenmen, ózińiz kórgendeı sońǵy 2 jyldyń ishinde Qazaqstanda jasalatyn ınterent-saýdanyń aınalymy 3 esege artyp otyr. Demek, osy saladaǵy túrli aktsııalar, konferentsııalar bekerge ótkizilip jatqan joq. Adamdar ınternet arqyly aqsha tabýdyń joldaryn úırene bastady» - dedi K. Gorojankın.
«Degenmen, qazaqstandyq tutynýshylardyń áli de bolsa ınternet arqyly taýar satyp alýǵa degen senimi joǵary emes», - deıdi óz kezeginde búgingi konferentsııany uıymdastyrýshy «KazNet Events» kompanııasynyń dırektory Anna Osıpova. Onyń aıtýynsha, qazaqstandyq tutynýshylar ınternet arqyly saýda jasaýǵa áli de bolsa júreksinedi
«Adamdar derekterimdi urlatyp alarmyn dep qorqady. Kartochka arqyly, mobıldi ámıán arqyly esep aıyrysýǵa senimsiz, komıssııalary qymbat dep bara bermeıdi. Taýardy kózben kórip, qolmen ustap, tekserip almaǵan soń saýda bola ma, Internet arqyly satyp alynǵan taýar erteń sapasyz bolyp shyqsa ne iseımin dep, taǵy oılaıdy. ıAǵnı, bizde áli de bolsa ınternet arqyly saýda jasaý mádenıeti qalyptaspaǵan. Sondyqtan, osyndaı konferentsııalar ótkizý arqyly, tutynýshylardyń kóńiline senim uıalatý, tıisti mádenıetti qalyptastyrý - bizdiń basty mindetimiz», - dedi A. Osıpova.
Aıta ketelik, «IProf - 2014» ınternet-konferentsııasynyń osy tektes basqa konferentsııalardan aıyrmashylyǵy oǵan osy salanyń naǵyz mamandary qatysty. Munda Qazaqstan, Reseı jáne Ýkraınanyń ınternet-marketıng salasynda jemisti eńbek etip kele jatqan kompanııalardyń basshylary, negizin qalaýshylary óz tájirıbesimen bólisti.
Konferentsııa jumysy erteń de jalǵasyn tabady.
