Qazaqstanda ınternet pen uıaly baılanys qyzmetteriniń tarıfi qymbattady
Osy jyldyń qyrkúıek aıynyń basynda Qazaqstanda 24,2 mln uıaly baılanys abonenti boldy. Bul ótken jyldyń dál osyndaı kezeńindegi abonentter sanynan (25,9 mln abonent) 6,5 paıyzǵa az. Olardyń 63,3 paıyzy nemese 15,3 mln-y ınternetke qosylǵan. Tirkelgen ınternet abonentter sanynyń da qysqarýy baıqalady. Bir jylda olardyń sany 1,2 paıyzǵa, 2,5 mln abonentke deıin azaıdy. Uıaly baılanys jáne tirkelgen ınternet abonentteri jalpy sanynyń tómendeýine qaramastan Qazaqstanda baılanys qyzmetteriniń kólemi aıtarlyqtaı ulǵaıdy. Máselen, osy jyldyń qańtar-tamyzynda elimizdiń telekommýnıkatsııalyq kompanııalarynyń baılanys qyzmetinen alǵan kiristeri jyl ishinde 8,3 paıyzǵa artyp, 574,2 mlrd teńgeni qurady. Ótken jyly 519,9 mlrd teńge bolǵan edi. Kirister ósiminiń negizgi sebepteriniń biri ınternet-provaıderler men uıaly baılanys operatorlary tarıfiniń kóterilýi bolyp otyr. Aıtalyq, bıyl tamyzda 2019 jyldyń tamyzymen salystyrǵanda ınternet tarıfi 2,6, uıaly baılanys qyzmetteri 1,7 paıyzǵa qymbattady.
Internet usyný qyzmeti salasyndaǵy telekommýnıkatsııalyq kompanııalardyń kiristeri jyl ishinde 13,2 paıyzǵa ósip, 213,4 mlrd teńgege jetti. Bul telekom naryǵyndaǵy qyzmetterdiń jalpy kóleminiń 37,2 paıyzyn quraıdy. Degenmen, uıaly baılanys qyzmetteri kólemi de ótken jylmen salystyrǵanda 1,5 paıyzǵa artyp,151,7 mlrd teńgege jetip otyr. Onyń ishinde halyqqa kórsetiletin uıaly baılanys qyzmetteri aqshaǵa shaqqanda jyl ishinde birden 5,1 paıyzǵa kóbeıip, 108,1 mlrd teńgege jetti.
Óńirlik shekte baılanys qyzmetteri kóleminiń 80 paıyzy Almaty men Nur-Sultan qalasyna tıesili bolyp tur. QR UEM Statıstıka komıtetiniń málimetinshe, uıaly baılanys kólemi uıaly baılanys operatorlary tirkelgen mekenjaılar arasynda bólingen. Atap aıtqanda, Almatydaǵy baılanys qyzmetteriniń kólemi 336,6 mlrd teńgeni, al Nur-Sultanda 121 mlrd teńgeni quraıdy. Sonymen qatar sektordaǵy qyzmet kórsetý kólemi boıynsha TOP-5 óńirge Qaraǵandy (13,8 mlrd teńge), Shyǵys Qazaqstan (13,2 mlrd) jáne Almaty (9,9 mlrd) oblystary kiredi.
