Qazaqstanda ınternet, noýtbýk, dári-dármek jáne jerleý rásimderi qymbattady

NUR-SULTAN. QazAqparat – 2020 jylǵy qańtar-tamyz aılarynda Qazaqstanda ınflıatsııa 4,6% qurady, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.

Bıylǵy segiz aıda azyq-túlik baǵasy –7,3%, azyq-túlik emes taýarlaryna–3,4%, aqyly qyzmetterge 2% qymbattady.

Atap aıtqanda, baǵa kóterildi: jarmalarǵa – 21,5%, kartopqa – 21%, jemisterge – 18,4%, qoı etine – 12,9%, qumshekerge – 12,3%, unǵa – 12,1%, makaron ónimderine – 10,7%, sary maıǵa – 9,9%, máıekti irimshikke – 9,3%, jylqy etine – 9,1%, sıyr etine – 8,1%, shaıǵa – 7,8%, muzdatylǵan balyqqa – 7,3%, shujyq ónimderine, shoshqa etine – 6,6%-dan, toqash jáne unnan daıyndalǵan ónimderge – 5,8%, pasterlengen sútke – 5,2%, nanǵa – 4,5%, súzbege 3,4%.

Temeki ónimderi – 10,8%, mıneraldy jáne aýyzsý – 8,9%, salqyndatylǵan sýsyndar – 6,5%, alkogoldi sýsyndar 6% qymbattady.

Budan bólek, baǵa dári-dármekke – 7,5%, jýǵysh jáne tazalaǵysh quraldarǵa – 7,1%, turmystyq aspaptarǵa – 5%, qurylys materıaldaryna – 4,9%, avtomobılderge – 4,7%, noýtbýkterge – 3,3%, keńse taýarlaryna 3,2% joǵarylady. Benzın 2,6% qymbattady.

Sondaı-aq baǵa jerleý qyzmetterine 5,7% artqan. Densaýlyq saqtaý qyzmetterine –4,3%, shashtarazdar men sulýlyq salondar qyzmetterine – 3,8%, qoǵamdyq tamaqtandyrý qyzmetterine 2,5% ósti.

Internet jelisine qosylý úshin abonenttik tólem 2,2% joǵarylady. Qalalyq kólikpen (taksı) jol júrý aqysy – 6%, poıyz bıletteri – 4,4% qymbattady.

Qoqys shyǵarý baǵasy – 11,1%, elektr energııasyna 3,5% artty.

Baǵanyń tómendeýi jumyrtqaǵa – 6,1%, jańa jınalǵan kókónisterge – 4,6%, sókke – 2,4%, kúrishke 2% tirkeldi. Avıabıletter –6,2%, dızel otyny 3,2%, ystyq sýǵa tarıfter– 5,5%, ortalyqtan jylytýǵa – 3,4%, kárizge – 3,1%, sýyq sýǵa 2,2% arzandady.