Qazaqstanda ınternet-aýdıtorııaǵa taldaý júrgizetin Chartbeat jobasy iske qosylady
Atalmysh qural saıttyń jekelegen paraqshalary jáne ondaǵy elementter boıynsha naqty ýaqytta saıt qoldanýshylarynyń nege qanshalyqty nazar aýdaratynyn anyqtaýǵa múmkindik beredi.
Sondaı-aq eki negizgi parametr boıynsha ólshemder jasalady: recirculation (qaıta oralý, saıt paraqshalaryna ótý, paraqshalardaǵy elementtermen ózara árekettesý) jáne engaged time (qoldanýshylardyń saıtta ótkizetin belsendi ýaqyty, sessııanyń uzaqtyǵy).
Chartbeat servısin álemniń 60-tan asa elindegi USA Today, CNN, The New York Times, Vox, Fox News Channel, The Washington Post, MSN, BBC, Le Monde, Ringier, The Independent, El Tiempo, Caracol Television, Nikkei America, Media Prima syndy kóshbasshy BAQ qoldanyp otyr.
Chartbeat otandyq BAQ-qa barynsha tereń taldaý jasap, óziniń aýdıtorııasyn túsinýge, onlaı-ólshemderdiń barynsha naqty ádisterin qoldanyp, kontent sapasyn arttyrýǵa múmkindik beredi. Joba redaktorlyq saıasatta metrıkalardy paıdalaný arqyly jalpy onlaın-naryqty kásibılendirýge yqpal etedi. Zamanaýı ádisterdi qoldaný qazaqstandyq BAQ-tardy oqýshylardyń aýdıtorııasyn keńeıtip, jarnamadan túsetin kiris kólemin arttyrýǵa kqmektesedi.
Osyǵan deıin Polıtsııa ınternet pablıkterdi baqylaıtyn jumys tobyn qurǵandyǵy habarlanǵan bolatyn.
