Qazaqstanda ınternet arqyly tólem jasaý 3 esege ulǵaıdy
ASTANA. QazAqparat - Qazaqstandyqtardyń basym bóligi kartamen esep aıyrysqandy jón sanaıdy. 2017 jyldyń qańtar-shilde aılarynda qolma-qol aqshasyz tólemder aınalymy 1,2 trln teńgeni qurap, byltyrǵy jylmen salystyrǵanda 70,4% nemese 480,0 mlrd-qa ósken, dep jazady ranking.kz.
2017 jyldyń qańtar-shilde aılarynda tólem kartalarymen jasalatyn operatsııalar sany byltyrǵy jylmen salystyrǵanda 70,9% (39,8 mln) ósip, 95,9 mln tranzaktsııany qurady.
Al, ınternet arqyly jasalǵan tólemder somasy 3 esege ulǵaıdy, ıaǵnı 269,6 mlrd teńgeden 406,2 mlrd teńgege jetti.
Qolma-qol aqshasyz tólemder kóleminiń ósimi boıynsha Almaty qalasy kósh bastap tur. Munda 2017 jyldyń qańtar-shilde aılarynda qolma-qol aqshasyz tólemder somasy byltyrǵy jylmen salystyrǵanda, 266 mlrd teńgege (80,7 paıyz) artyp, 595,4 mlrd teńgeni qurady. Odan keıingi orynda Astana qalasy, munda aınalym kólemi byltyrǵy jylmen salystyrǵanda 67,7 mlrd teńgeden (73,7 paıyz) 159,4 mlrd teńgege ósti.
