Qazaqstanda ınternet arqyly taýar satyp alatyndardyń sany qansha

ASTANA. QazAqparat - «Qazposhta» AQ basqarma tóraǵasy Sáken Sársenov Qazaqstan aýmaǵyndaǵy elektrondyq kommertsııanyń jaǵdaıyna qatysty túsinik berdi, dep habarlaıdy QazAqparat tilshisi.

«Ótken jyly elimizde elektrondyq kommertsııa kólemi eleýli túrde artty. Búginde Qazaqstanda elektrondyq kommertsııa salasynda 1 700-ge tarta kásipker jumys isteýde. Osy oraıda 2019 jyly bul kásipkerler sany birneshe ese artýy úshin belsendi is-qımyldardy júzege asyrýdamyz», - dedi S. Sársenov baspasóz máslıhatynda.

Onyń sózine qaraǵanda, elimizde ınternet arqyly satyp alýshylar 2, 3 mıllıonnan asty. Bul kórsetkish 2017 jylǵa qaraǵanda 18 paıyzǵa joǵary.

«Bizdiń elektrondyq kommertsııanyń ishki naryǵy 300 mlrd teńgege deıin ósti. Qazaqstan boıynsha 35 mln sálemdeme jiberildi, bul kórsetkish 2017 jyldaǵydan 60 paıyzǵa artyq», - dedi «Qazposhta» basshysy.