Qazaqstanda ınternet-alaıaqtyq derekteri azaıdy ma
ASTANA. KAZINFORM – QR Іshki ister mınıstriniń orynbasary Sanjar Ádilov Qazaqstandaǵy kıberqylmysqa qarsy kúres boıynsha túsinik berdi.
- 3 jylǵy kórsetkishterge toqtalsaq, jalpy ınternet-alaıaqtardyń sany 40 paıyzǵa azaıdy. Qazirgi kezde 6 mlrd teńgeden astam keltirilgen zalal jábirlenýshilerge qaıtaryldy. Sonymen qatar 170 mln-nan astam telefon qońyraýy buǵattaldy, - dedi S.Ádilov Quryltaıdyń jalpy otyrysynan keıingi baspasóz máslıhatynda.
Onyń aıtýynsha, shetelge 5,5 mlrd teńge qarajatty aýdarýǵa tosqaýyl qoıylǵan.
- 8 aıdaǵy ınternet-alaıaqtyq jaǵdaıyna toqtalsam, mundaı áreketter 13 paıyzǵa tómendedi. Eger 2025 jyly 16 564 qylmys tirkelse, bıyl 14 417 derek tirkelgen. Bul rette qylmysty ashý kórsetkishi 7 paıyzǵa jaqsardy. Qazirgi kezde bank rekvızıtterin syıaqy úshin úshinshi tulǵalarǵa bergeni úshin qylmystyq jaýapkershilik engizildi. Antıfrod júıesi de qyzmetin jalǵastyryp jatyr, - dedi mınıstrdiń orynbasary.
Buǵan deıin Ulttyq antıfrod ortalyǵy 68 mlrd teńge kólemindegi alaıaqtyqtyń aldyn alǵanyn jazǵan edik.
