Qazaqstanda ınsýltke shaldyqqandardyń úshten biri kóz jumady
ASTANA. KAZINFORM — Búgin – Dúnıejúzilik mı kúni. Bul kún nevrologııalyq aýrýlardyń mańyzy týraly halyqqa aqparat berý úshin atap ótiledi.
Búginde nevrologııalyq aýrýlardyń arasynda eń keń taralǵany — ınsýlt. Máselen, byltyr shamamen 49 myń qazaqstandyq ınsýlt alǵan. Onyń 11,8%-y statsıonarda kóz jumsa, 6,1%-y aýrýhanadan shyqqan alǵashqy bir aıda ómirden ozǵan.
— Ókinishke qaraı, Qazaqstanda jyl saıyn 40 myńnan astam ınsýlt jaǵdaıy tirkeledi. Insýlt — eń qaýipti aýrýlardyń biri, sebebi ol naýqastardyń kóbin múgedektikke ákeledi. Onkologııalyq nemese júrek aýrýlarymen aýyratyn naýqastar óz-ózine kútim jasap júre alady ǵoı. Al ınsýltke shaldyqqan naýqastar bir sátte-aq múgedekke aınalyp, otbasyna da, memleketke de úlken aýyrtpalyq túsiredi, — deıdi UShMÚO Basqarma tóraǵasy Erjan Ádilbekov Kazinform tilshisine bergen suhbatynda.
Maman ınsýlt alǵan adamda qandaı belgiler bolatynyn da atap ótti.
— Barsha jurtty ınsýlttiń alǵashqy belgilerin bilýge shaqyramyn. Aǵylshyn tildi ádebıetterde FAST-test dep atalatyn arnaıy ádis bar. Bul ataý tórt áripten turady: F — Face (bet), A — Arm (qol), S — Speech (sóıleý), T — Time (ýaqyt). ıAǵnı, eger adamnyń beti qısaıyp, qoly nemese aıaǵy álsirep, sóıleýi buzylsa — eń bastysy, ýaqytty ótkizip almaý kerek. Sebebi emdik «terapevtik tereze» tórt jarym saǵatqa ǵana sozylady. Osy ýaqyt ishinde naýqasty ınsýlttik ortalyqqa jetkizý qajet. Men mynadaı jaıtty atap ótkim keledi: eger jylyna 40 myń adam ınsýltke shaldyqsa, ókinishke qaraı, sonyń úshten biri kóz jumady. ıAǵnı bul — óte kúrdeli jaǵdaı, — dep eskertti basqarma tóraǵasy.
Aıta keteıik, jaqynda ǵana dárigerler ınsýlt alǵan 19 jastaǵy qyzdy aman alyp qaldy.